កុំចង់ហក់! អាល់ប៊ុម Rosé ត្រូវបានទទួលការកុម្មង់ទិញមុន កន្លះលានបន្ទះ

កូរ៉េខាងត្បូង៖ តារាចម្រៀងទោលនារី Rosé នៃសមាជិកក្រុម BLACKPINK កំពុងបង្កើតកំណត់ត្រាថ្មីជាហូរហែរ ក៏ដូចជា ភាពជោគជ័យគួរឱ្យភ្ញាក់ផ្អើលរបស់តារាស្រីរូបនេះ ជាមួយនឹងការបង្ហាញខ្លួនជាលើកដំបូង អាល់ប៊ុមទោលដំបូងរបស់នាង «-R-»។

ជាក់ស្តែង កាលពីថ្ងៃទី ១៥ ខែមីនា ផលិតកម្ម YG Entertainment បានប្រកាសថា សម្រាប់ការកម្មង់ទិញទុកមុន នៃអាល់ប៊ុមរបស់ Rosé ទទួលបានលើសចំនួន ៥០០.០០០ ជាផ្លូវការហើយ បន្ទាប់ពីបើកការកម្មង់ទិញមុន ចាប់តាំងពីថ្ងៃទី ៤ មីនាមកម្លេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទាក់ទងនឹង ការកម្មង់ទិញមុននេះដែរ គឺត្រូវបានគេរាយការណ៍មកថា​ អាល់ប៊ុមត្រូវបានចែកចេញជា ៣ ប្រភេទ ដោយក្នុងនោះមាន​ប្រភេទជា CD ទទួលបាន ៤០៤.៣១៨ បន្ទះ ប្រភេទ Kit ទទួលបាន ៤៩.០៥៨ បន្ទះ និងជាប្រភេទ vinyl LPs ទទួលបាន ៥២.១២៩ បន្ទះ។

យ៉ាងណាមិញ ជាមួយនឹងចំនួនសរុបមួយនេះ តារាស្រីវ័យ ២៤​ឆ្នាំរូបនេះ បានបំបែកឯតទគ្គកម្មសម្រាប់តារាចម្រៀងទោលនារី K-Pop ជាមួយនឹងការកុម្មង់ទិញអាល់ប៊ុមទុកមុនច្រើនជាងគេផងដែរ៕

សូមអបអរសាទរដល់ Rosé លើសមិទ្ធិផលដ៏ធំនេះ!

សូមទស្សនារូបភាពខាងក្រោម៖ 

• តារាកូរ៉េ