បង្ការខ្លួនពីជំងឺមហារីក គួរកម្រិតការញ៉ាំអាហារទាំងនេះ!

ជំងឺមហារីកត្រូវអ្នកជំនាញវាយតម្លៃថាជាមូលហេតុបង្កចម្បងមួយធ្វើឲ្យមនុស្សស្លាប់ច្រើនជាងគេលើពិភពលោក។ ប៉ុន្តែការសិក្សាជាច្រើនបានបង្ហាញថា ការផ្លាស់ប្តូររបបអាហារមួយចំនួនអាចចូលរួមកាត់បន្ថយហានិភ័យជំងឺមហារីកបានពី៣០ទៅ៥០ភាគរយ។

អ្នកស្រាវជ្រាវអះអាងថាការវាយតម្លៃថាអាហារជាក់លាក់ណាមួយអាចបង្កជាជំងឺមហារីក គឺជារឿងពិបាក។ ប៉ុន្តែថា តាមការសិក្សា ការញ៉ាំអាហារណាមួយក្នុងចំនួនច្រើនពេក ក៏ទំនងជាអាចធ្វើឲ្យយើងវិវត្តទៅជាជំងឺមហារីក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. អាហារផ្អែម និងស្ករចម្រាញ់

អាហារកែច្នៃដែលមានជាតិស្ករច្រើន និងមានជាតិសរសៃ និងជីវិជាតិចិញ្ចឹមទាប មានទំនាក់ទំនងខ្ពស់ទៅនឹងហានិភ័យកើតជំងឺមហារីក។

ការសិក្សាបានរកឃើញថារបបអាហារដែលធ្វើឲ្យកម្រិតជាតិស្ករក្នុងឈាមឡើងខ្ពស់ គឺមានទំនាក់ទំនងនៃការកើនឡើងហានិភ័យជំងឺមហារីកមួយចំនួនដូចជា មហារីកក្រពះ សុដន់ និងពោះវៀនធំ ជាដើម។

ការសិក្សាបញ្ជាក់ថាកម្រិតជាតិស្ករក្នុងឈាម និងអាំងស៊ុយលីនខ្ពស់ ជាកត្តាបង្កហានិភ័យជំងឺមហារីក។ អាំងស៊ុយលីន ត្រូវគេដឹងថាជួយរំញោចដល់ការបំបែកកោសិកា ជួយគាំទ្រដល់ការលូតលាស់ និងរាលដាលកោសិកាមហារីក ដែលនាំឲ្យមានការពិបាកក្នុងការកម្ចាត់។

ដើម្បីចូលរួមកាត់បន្ថយហានិភ័យជំងឺមហារីក យើងគួរកម្រិត ឬចៀសវាងញ៉ាំអាហារណាជំរុញឲ្យមានការផលិតកម្រិតអាំងស៊ុយលីនច្រើន ដូចជាអាហារមានជាតិស្ករខ្ពស់ និងកាបូអ៊ីដ្រាតចម្រាញ់ជាដើម។

២. សាច់កែច្នៃ

ទីភ្នាក់ងារអន្តរជាតិស្រាវជ្រាវជំងឺមហារីក (IARC ) បានចាត់ទុកសាច់កែច្នៃថាអាចជាធាតុបង្កររបស់ជំងឺមហារីក(carcinogen ) ដែលពេលខ្លះនាំឲ្យកើតជំងឺមហារីក។ សាច់កែច្នៃរាប់បញ្ចូលដូចជា hot dogs សាច់ជ្រូកham និងសាច់ជ្រូកបីជាន់ជាដើម។

ការសិក្សាស្រាវជ្រាវបែបអង្កេតមួយចំនួនបានរកឃើញថា ការញ៉ាំសាច់កែច្នៃមានទំនាក់ទំនងនឹងការកើនឡើងហានិភ័យជំងឺមហារីក ពិសេសជំងឺមហារីកពោះវៀនធំ។

៣. អាហារខ្លោច

ការចម្អិនអាហារក្នុងកម្រិតសីតុណ្ហភាពខ្ពស់ពេក ដូចជាដុត ចៀន និងអាំង អាចនាំឲ្យមានការផលិតសារធាតុគ្រោះថ្នាក់មួយចំនួនដូចជា heterocyclic amines (HA)និងAGEs។

នៅពេលដែលសារធាតុគ្រោះថ្នាក់ទាំងនេះកើនឡើងខ្លាំងជ្រុលអាចធ្វើឲ្យមានការរលាក និងអាចវិវត្តទៅជាជំងឺមហារីក និងជំងឺផ្សេងៗទៀត។

អាហារមួយចំនួនដូចជាសាច់សត្វមានខ្លាញ់ និងប្រូតេអ៊ីនខ្ពស់ ក៏ដូចជាសាច់កែច្នៃ គឺអាចនឹងបង្កើតជាសារធាតុគ្រោះថ្នាក់ បើយើងចម្អិនក្នុងកម្ដៅខ្លាំងជ្រុលរហូតដល់ខ្លោច។

ជាការណែនាំយើងគួរចម្អិតអាហារបរិភោគដោយវិធីចំហុយ ស្ល ឬស្ងោរ ជាជាងប្រើវិធីដុត អាំង ឬចៀនញឹកញាប់ពេក។

ក្រៅពីអាហារទាំងនេះ គ្នាយើងក៏គួរដឹងដែរថា ការជក់បារី និងការធាត់លើសទម្ងន់ ក៏ជាកត្តាបង្កឲ្យមានហានិភ័យខ្ពស់កើតជំងឺមហារីកផងដែរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

បង្ការ​ខ្លួនពីជំងឺមហារីក គួរកម្រិតការញ៉ាំអាហារទាំងនេះ!

១. អាហារ​ផ្អែម និង​ស្ករ​ចម្រាញ់​

២. សាច់​កែច្នៃ​

៣. អាហារ​​ខ្លោច​

In Case You Missed It

បង្ការខ្លួនពីជំងឺមហារីក គួរកម្រិតការញ៉ាំអាហារទាំងនេះ!

១. អាហារផ្អែម និងស្ករចម្រាញ់

២. សាច់កែច្នៃ

៣. អាហារខ្លោច