ភ្នំពេញ៖ ពិធីបុណ្យចូលឆ្នាំថ្មីប្រពៃណីខ្មែរ ជាពិធីបុណ្យមួយដែលមានអាយុកាលតាំងពីបុរាណយូរយាណាស់មកហើយ និងជាពិធីដ៏សំខាន់បំផុតសម្រាប់ប្រជាជនកម្ពុជា។ សម្រាប់ពិធីបុណ្យចូលឆ្នាំខ្មែរ គឺមានរយៈពេលចំនួន ៣ ថ្ងៃ ដែលថ្ងៃទី១ ហៅថា «ថ្ងៃមហាសង្ក្រាន្ត» ថ្ងៃទី២ ហៅថា «ថ្ងៃវារៈវ័នបត» និងថ្ងៃទី៣ ហៅថា «វារៈឡើងស័ក»។ ជាទូទៅពិធីចូលឆ្នាំថ្មីចាប់ផ្តើមប្រារព្ធធ្វើឡើងចាប់ពីថ្ងៃទី ១៣ ឬ ១៤ រហូតដល់ថ្ងៃទី ១៥ ឬ ១៦ ខែមេសា ដែលដូនតាខ្មែរយើងបានសម្រេចថាខែនេះ គឺជាខែល្អដែលបងប្អូនប្រជាកសិករទាំងឡាយបានប្រមូលផលស្រូវ បន្លែ និងផ្លែឈើរួចរាល់ និងមានពេលវេលាសម្រាកគ្រប់គ្រាន់មុនពេលរដូវវស្សាមកដល់ផងដែរ។
ដោយឡែកសម្រាប់សង្ក្រាន្តឆ្នាំនេះនឹងចាប់ផ្តើមធ្វើឡើងនៅថ្ងៃពុធ
ទី៣ កើត ខែពិសាខ ឆ្នាំឆ្លូវ ត្រីស័ក ពុទ្ធសករាជ
២៥៦៤ ដែលត្រូវនឹងថ្ងៃទី១៤ ខែមេសា ឆ្នាំ២០២១ វេលាម៉ោង ៤ និង ០០ នាទីព្រឹក។
ដោយទេពធីតាដែលនឹងយាងចុះមកបន្តវេនមានព្រះនាម ទេវតាព្រះនាមមណ្ឌាទេវី ដែលជាបុត្រីទី៤ នៃកបិលមហាព្រហ្ម
តំណាងឲ្យថ្ងៃពុធ គ្រងឈុតអម្ពរពណ៌អន
(ខៀវព្រលែត ឬផ្ទៃមេឃស្រាល) មានលម្អព្រះកាណ៌
(ត្រចៀក) ដោយសៀតផ្កាចម្ប៉ា សោយទឹកដោះថ្លា (សប្បិ) ជាអាហារ ជិះពាហនៈគទ្រភ (សត្វលា)
ជាយាន្តជំនះ និងមានអាវុធស្តាំម្ជុល ឆ្វេងឈើច្រត់។
ជាទូទៅរាល់ពិធីបុណ្យផ្សេងៗ ពិសេសបុណ្យចូលឆ្នាំប្រពៃណីខ្មែរ ឃើញថាប្រជាជនកម្ពុជាយើងតែងតែទិញនូវសម្ភារៈ ឬឧបករណ៌មួយចំនួនទុកសម្រាប់ត្រៀមពេលដំណើរកម្សាន្តក្នុងឆ្នាំថ្មី ដែលនឹងឈានខិតជិតមកដល់ក្នុងពេលឆាប់ៗខាងមុខនេះ។ ពិសេសដើម្បីបង្កើតបរិយាកាសឲ្យកាន់តែសប្បាយរីករាយ និងបង្កើននូវភាពជិតស្និទ្ធិជាមួយក្រុមគ្រួសារ និងមនុស្សជាទីស្រលាញ់ផងដែរ។
តោះ! ចង់ដឹងអត់ តើប្រជាជនកម្ពុជាចូលចិត្តទិញសម្ភារៈបច្ចេកវិទ្យាទំនើបៗអ្វីខ្លះ មុននឹងពិធីបុណ្យចូលឆ្នាំខ្មែរឈានចូលមកដល់?
1. Nintendo Switch : ជាឧបករណ៍ដៃលេងហ្គេម ដើម្បីកាត់បន្ធូរអារម្មណ៍ធុញទ្រាន់ ខណៈពេលកំពុងធ្វើដំណើរ ឬពេលអផ្សុកនៅផ្ទះ។
2. Power Bank និងខ្សែសាក USB : ពេលដើរលេងម្តងៗបារម្ភខ្លាចតែទូរស័ព្ទរលត់ថ្ម ដូច្នេះបើមានឧបករណ៍បញ្ចូលថ្មទូរស័ព្ទកុំឲ្យរលត់ ឬអស់ថ្មដែលអាចសាកបានទូរស័ព្ទគ្រប់ប្រភេទដូចជា IOS, Type B, Type C ដឹងតែល្អហ្មង៎។
3. Go Pro : ជាឧបករណ៍ថតរូប និងវីដេអូទំនើបពេញនិយមខ្លាំង ដែលវាមានទំហំតូច និងអាចបត់បែនបានច្រើនសណ្ឋានច្រើនប្លង់។ ពិសេសងាយស្រួលថតពេលកំពុងធ្វើដំណើរ ហែលទឹក ឡើងភ្នំជាដើម។
4. ដ្រូន (Drone) : ជាឧបករណ៍សម្រាប់បង្ហោះលើលំហ ឬទីខ្ពស់ៗ ដើម្បីផ្តិតយកទេសភាពពិតៗពីខាងលើចុះមកក្រោមដូចជា ការថតពីលើភ្នំ ថតពីកំពូលប្រាសាទ និងតាមរមណីយដ្ឋាននានាបានយ៉ាងត្រជាក់ភ្នែក។
5. ម៉ាស៊ីនថតរូប (Camera DSLR) : មនុស្សសម័យឥឡូវចូលចិត្តថតរូប ថតវីដេអូខ្លី ឬថត Vlog ផ្សេងៗរាល់ពេលមានដំណើរកម្សាន្តម្តងៗ ប៉ុន្តែគ្រាន់តែហត់បន្តិចក្នុងការស្ពាយកាមេរ៉ា ព្រោះវាមានទម្ងន់ធ្ងន់ និងទំហំធំបន្តិច។
6. បាស ឬ Speaker : ជារៀងរាល់ឆ្នាំរយៈពេល ៣ ថ្ងៃពេញឃើញថាសឹងតែគ្រប់ផ្ទះ គ្រប់ភូមិស្រុក គឺដាច់ខាតមិនដែលភ្លេចដាក់បាសបើកសម្លេងឮៗ រាំច្រៀងកម្សាន្តសប្បាយជុំគ្នាឡើយ។
7. នាឡិកាវៃឆ្លាត (Smart Watch) : រវាងនាឡិកាធម្មតា និងនាឡិកាវៃឆ្លាតគឺសុទ្ធតែអាចមើលពេលវេលា និងថ្ងៃខែជាក់លាក់បាន គ្រាន់តែនាឡិកាវៃឆ្លាត បំពាក់បច្ចេកវិទ្យាទំនើបមានសមត្ថភាពអាចតាមដានសុខភាពរបស់អ្នកប្រើប្រាស់ផងដែរ។
8. OPPO RENO5: ជាស្មាតហ្វូនបច្ចេកវិទ្យាទំនើបស៊េរីចុងក្រោយ និងទាន់សម័យកាលសម្រាប់ផ្តិតយករូបភាពកម្រងអនុស្សាវរីយ៍ល្អៗស្អាតៗជាមួយក្រុមគ្រួសារគ្រប់ទីកន្លែង គ្រប់ស្ថានភាព និងគ្រប់វេលាមិនថាថតពេល ឬពេលយប់។ ជាមួយគ្នានេះ OPPO RENO5 ក៏បានបំពាក់មុខងារថ្មីពេញនិយមជាច្រើនដូចជា មុខងារ Dual View Video ដែលអាចថតវីដេអូតំណាលគ្នា 2 ក្នុងពេលមួយ។មុខងារ Night Flare Portrait ធ្វើឲ្យរូបថតនៅពេលយប់របស់លោកអ្នកកាន់តែលេចធ្លោជាមួយភ្លើងពន្លឺតូចៗនៅពីក្រោយ។ ដូច្នេះកាន់តែលេចធ្លោបើមាន OPPO RENO5 កាន់ក្នុងដៃបង្ហាញភាពលេចធ្លោ ពិសេសអាចថតរូប ថតវីដេអូជាមួយមុខងារថ្មីៗប្លែកៗជាច្រើនទៀត ដើម្បីចែករំលែកឬបង្ហោះអួតគ្នាពេញបណ្តាញសង្គមហ្មង៎។
ដូច្នេះក្នុងឱកាសបុណ្យចូលឆ្នាំថ្មីប្រពៃណីខ្មែរបងប្អូនមានគម្រោងអញ្ជើញទៅណាដែរ? ហើយបានត្រៀមទិញសម្ភារៈអ្វីខ្លះហើយឬនៅ? បើអត់ទាន់ត្រៀមទេ តោះនៅចាំអ្វីទៀត? គិតគូសារ៉េជាវស្មាតហ្វូន OPPO RENO5 ម្នាក់មួយគ្រឿងៗទុកកាន់បង្ហាញភាពឡូយឆាយ ព្រមទាំងថតរូបស្អាតៗខ្យូតៗជាមួយក្រុមគ្រួសារ និងមនុស្សជាទីស្រលាញ់ ដើម្បីបង្កើនភាពជិតស្និទ្ធិ និងបង្កើនភាពរីករាយក្នុងថ្ងៃចូលឆ្នាំខ្មែរជាមួយ OPPO RENO5 ទាំងអស់គ្នា៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
