ដោយសារចំណាយច្រើន Nokia គ្រោងកាត់បន្ថយការងារ ចំនួន១០,០០០កន្លែង នៅជុំវិញពិភពលោក

បរទេស៖ Nokia ដែលជាក្រុមហ៊ុនទូរគមនាគមន៍ដ៏ធំរបស់ហ្វាំងឡង់ គ្រោងនឹងកាត់បន្ថយការងារពី5,000ទៅ10,000កន្លែងនៅទូទាំងពិភពលោក ក្នុងរយៈពេល2ឆ្នាំខាងមុខទៀត ដោយសារខ្លួនកំពុងកាត់បន្ថយការចំណាយ។

គេនៅមិនទាន់ច្បាស់ថាតើការកាត់បន្ថយនេះមានទំហំប៉ុណ្ណានោះទេ ប៉ុន្តែគេបានដឹងថាការងារប្រហែល96កន្លែងនៅក្នុងចក្រភពអង់គ្លេស កំពុងស្ថិតក្រោមការគំរាមកំហែងដោយវាជាផ្នែកមួយនៃការកាត់បន្ថយចំណាយ600លានអ៉ឺរ៉ូ (714លានដុល្លារ)។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រុមហ៊ុន Nokia កំពុងផ្តោតលើប្រព័ន្ធ 5G ហើយក៏គ្រោងនឹងវិនិយោគលើការស្រាវជ្រាវលើ cloud computing និងការស្រាវជ្រាវហេដ្ឋារចនាសម្ព័ន្ធឌីជីថលផងដែរ។  

បច្ចុប្បន្នក្រុមហ៊ុនមានបុគ្គលិក90,000នាក់នៅជុំវិញពិភពលោក ហើយបានកាត់បន្ថយការងាររាប់ពាន់ចាប់តាំងពីឆ្នាំ2015មក។

តំណាងសហជីពមួយរូបបាននិយាយថា នៅហ្វាំងឡង់មូលដ្ឋានរបស់ក្រុមហ៊ុនប្រហែល300ការងារ ទំនងជានឹងត្រូវកាត់ពីទីស្នាក់ការកណ្តាល Helsinki របស់ខ្លួន៕

• ជំនួញ