រាជធានីភ្នំពេញ៖ បើយោងតាមផេកហ្វេសប៊ុកផ្លូវការរបស់ កងរាជអាវុធហត្ថរាជធានីភ្នំពេញ បានឱ្យដឹងនៅថ្ងៃនេះថា កាលពីថ្ងៃទី១៧ ខែមីនា ឆ្នាំ២០២១ នេះ មានករណីបុរសម្នាក់ដែល មានការជាប់ពាក់ព័ន្ធជាមួយឪពុកម្តាយ ដែលមានវិជ្ជមានមេរោគកូវីដ១៩ ក្នុងនោះដែរ បុរសរូបនេះ មិនព្រមសហការជាមួយគ្រូពេទ្យដើម្បីយកសំណាកទៅធ្វើតេស្ត ហើយថែមទាំងព្យាយាមគេចវេស បើទោះបីជាក្រុមគ្រូពេទ្យព្យាយាមបញ្ចុះបញ្ចូល និង ពន្យល់ហេតុផលដល់រូបគេយ៉ាងណាក្តី ក៏ពុំព្រមសហការដែរ។
ជាមួយគ្នានោះដែរ ដោយមានការស្នើសុំជំនួយពីសំណាក់ក្រុមគ្រូពេទ្យ កម្លាំងអន្តរាគមន៍របស់កងរាជអាវុធហត្ថរាជធានីភ្នំពេញ ដែលឈរជើងនៅសាលារាជធានីភ្នំពេញ ដឹកនាំដោយលោកវរសេនីយ៍ឯក សៀ ទីន នាយករងសេនាធិការដ្ឋាន និង ជាប្រធានក្រុមការងារប្រយុទ្ធប្រឆាំងជំងឺកូវីដ១៩ បានចេញមុខសហការ ជាមួយគណៈបញ្ជាការឯកភាពរដ្ឋបាលខណ្ឌដូនពេញ ដឹកនាំដោយ លោក ម៉ុក ច័ន្ទករុណា អភិបាលរង នៃគណៈអភិបាលខណ្ឌដូនពេញ និង ក្រុមគ្រូពេទ្យក្រសួងសុខាភិបាលចុះទៅដល់ទីតាំងផ្ទាល់ ស្ថិតនៅផ្ទះជាន់ទី៤ ផ្លូវព្រះមុនីវង្ស ភូមិ២ សង្កាត់ផ្សារថ្មីទី២ ខណ្ឌដូនពេញ នាំខ្លួនបុរស ដែលចង់គេចវេសម្នាក់នោះ ទៅកាន់មណ្ឌលព្យាបាលជំងឺកូវីដ-១៩ចាក់អង្រែក្រោមបានដោយជោគជ័យ ៕
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដើម្បីជ្រាបកាន់តែច្បាស់ សូមទស្សនារូបភាព និង វីដេអូខាងក្រោម៖
![](https://s9.kh1.co/d6/d643ca13b632ca09eeef723eb874e11db2ad488d.png)
![](https://s9.kh1.co/3f/3fc7e0aa59931df7b41ee71e8ba70cd93fe98582.png)
![](https://s9.kh1.co/15/151265cda331e98c0768da490c6c9750711581ac.png)
![](https://s9.kh1.co/d6/d67d22f8a15f6ff2009ee666c70d080822dd03f2.png)
![](https://s9.kh1.co/82/82379c137138423c7d3c808cd6aedd992e2c9db1.png)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]