រឿងលែងលះ Angelina Jolie​​ មិនទាន់ដាច់ស្រេច មានភស្តុតាងដែល Brad Pitt ប្រើអំពើហឹង្សាក្នុងគ្រួសារ

បរទេស៖ កាលពីថ្ងៃទី ១៧ ខែមីនាកាសែត The Blast បានរាយការណ៍ថាតារាសម្តែងស្រី Angelina Jolie នឹងផ្តល់ភស្តុតាងនៃអំពើហឹង្សា និងការរំលោភបំពានលើកុមារ របស់អតីតស្វាមី Brad Pitt ក្នុងកំឡុងពេលជំនុំជម្រះការលែងលះរបស់ពួកគេ ដែលជិតមកដល់នាពេលខាងមុខនេះ។

ប្រភពដដែលបានលើកឡើងថា អតីតប្តីប្រពន្ធតារារូបនេះ កំពុងបន្តការប្តឹងផ្តល់ នៅលើតុលាការ ក្នុងចែកទ្រព្យសម្បត្តិគ្នា ក៏ដូចជាសិទ្ធក្នុងការចិញ្ចឹមកូន នៅឯការជំនុំជម្រះ។ ទន្ទឹមនឹងនេះដែរ អ្នកម៉ាក់កូន ៦ រូបនេះ ក៏បានបង្ហាញភស្តុតាងដែលចោទប្រកាន់ Brad នោះតុលាការក៏ចង់ ឲ្យកូនប្រុស ស្រី Shiloh Knox និង Vivienne ផ្តល់សក្ខីកម្មនៅក្នុង​​សវនាការផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកផងដែរថា កាលពីឆ្នាំ ២០១៦ Angelina Jolie បានធ្វើការចោទប្រកាន់  Brad Pitt រួចមកហើយ ពីការរំលោភបំពានលើកុមារ (វាយ) ទៅលើ Maddox នៅលើយន្តហោះកំពុងហោះហើរ។ បន្ទាប់ពីការស៊ើបអង្កេតនាយកដ្ឋានគ្រួសារ និងកុមារនៃក្រុង Los Angeles បានបញ្ជាក់ថារូបលោកមិនបានវាយកូនចិញ្ចឹមនោះទេ។

យ៉ាងណាមិញ យោងតាមសារព័ត៌មាន Daily Mail បានអោយដឹងថា Angelina Jolie កំពុងតែធ្វើការចោទប្រកាន់ស្រដៀងគ្នានេះបើទោះបីជាខាងនាយកដ្ឋានពាក់ព័ន្ធ បានបដិសេធក៏ដោយ។ បច្ចុប្បន្នអ្នកទាំងពីរ មិនទាន់ធ្វើសេចក្តីអត្ថាធិប្បាយណាមួយឡើង លើបណ្តឹងមួយនេះ៕

សូមទស្សនារូបភាពខាងក្រោម៖

• តារាអន្តរជាតិ