ច្បាស់ដូចថ្ងៃ! រដ្ឋបាលខេត្តប៉ៃលិន ចេញសេចក្តីបំភ្លឺជុំវិញមូលហេតុនៃការបណ្តេញចេញ អតីតអនុប្រធានមន្ទីរពេទ្យបង្អែកខេត្តប៉ៃលិនពីក្របខណ្ឌ

ប៉ៃលិន៖ យោងតាមលិខិតបំភ្លឺរបស់អ្នកនាំពាក្យនៃរដ្ឋបាលខេត្តប៉ៃលិន ចុះថ្ងៃទី២០ ខែមីនា ឆ្នាំ២០២១នេះ បានចេញសេចក្តីបំភ្លឺជូនសាធារណជនឲ្យជ្រាបថា មូលហេតុនៃបណ្តាញចេញនូវមន្រ្តីមួយរូបមានឈ្មោះថា ខឹម មុនីកុសល ដែលជាអតីតអនុប្រធានមន្ទីរពេទ្យបង្អែកខេត្តប៉ៃលិន ចេញពីតួនាទី ដោយសារតែបុគ្គលខាងលើនេះ​មិនបានមកបំពេញការងារនៅក្នុងអង្គភាព ហើយតែងតែព្យាយាមបង្កការញុះញង់បំបែកបំបាក់សាមគ្គីភាពផ្ទៃក្នុងរបស់អង្គភាពមន្ទីរសុខាភិបាលខេត្តប៉ៃលិន។ ដោយអាស្រ័យលើកំហុសឆ្គងជាបន្តបន្ទាប់របសស់បុគ្គលខាងលើ ព្រមទាំងតបតាមការស្នើសុំពីសំណាក់មន្ទីរសុខាភិបាលខេត្តដែលស្នើសុំបញ្ចប់ភារកិច្ចតាំងតែពីថ្ងៃទី២៥ ខែកក្កដា​ ឆ្នាំ២០១៨មកនោះ រដ្ឋបាលខេត្តក៏បានបើកកិច្ចប្រជុំលើកទី១តាំងតែពីថ្ងៃទី៦ ខែសីហា ឆ្នាំ២០១៨មកម្ល៉េះ។

ដោយផ្អែកតាមសេចក្តីបំភ្លឺដដែលនេះ អ្នកនាំពាក្យរដ្ឋបាលខេត្តប៉ៃលិន ក៏បានគូសបញ្ជាក់ផងដែរថា ដោយអាស្រ័យហេតុថា មន្ត្រីរូបនេះបានប្រព្រឹត្តកំហុសយ៉ាងធ្ងន់ធ្ងរជាច្រើនលើកច្រើនសារ រដ្ឋបាលខេត្តក៏សម្រេចត្រូវតែអនុវត្តទណ្ឌកម្មថ្នាក់ទី២ តាមមាត្រា៦៣ នៃព្រះរាជក្រឹត្យស្តីពីលក្ខន្តិក:ដោយឡែកសម្រាប់បុគ្គលិកថ្នាក់ក្រោមជាតិ ដែលខ្លឹមសារនៃនីតិវិធីនេះ ត្រូវបណ្តេញចេញពីក្របខណ្ឌមុខងារក្នុងអង្គភាព៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចង់ដឹងឲ្យកាន់តែលម្អិតថែមទៅទៀតនោះ សូមអានសេចក្តីបំភ្លឺដែលមានជាប់ជូននៅផ្នែកខាងក្រោម៖

• ការងារ
• រូបភាព