ញាក់សាច់​ បើកបង្ហាញវីឡាថ្មីទី៣របស់ Rihanna តម្លៃជិត១៤លានដុល្លារ

បរទេស៖ តារាចម្រៀងស្រី Rihanna ទើបតែបានគេរាយការណ៍មកថា រូបនាងទើបតែ ទិញផ្ទះវិឡាបែបស៊ីវីល័យ បែបទំនើបមួយ ដែលមានទំហំកន្លះហិចតា បានសាងសង់លើផ្ទៃដីមានទំហំជាង ៧០០ ម៉ែតការ៉េ នៅតំបន់ Beverly Hills រដ្ឋ Los Angeles ។

ដោយឡែកផ្ទះវីឡានេះ ត្រូវបានសាងសង់តាមបែបផ្ទះកសិដ្ឋាន ដែលរសនិយមរវាងបុរាណនិងសម័យ ដែលមានអាងហែលទឹករាងចតុកោណកែងធំនៅខាងក្រោយវីឡា បានឡោមព័ន្ធដោយផ្ទះជុំវិញ មិនត្រឹមតែប៉ុណ្ណោះ ត្រូវបានរចនាធ្វើជាពីរជាន់ មានស៊ុមកញ្ចក់ ដើម្បីទទួលបានពន្លឺធម្មជាតិចាំងចូលខាងក្នុងផ្ទះឲ្យច្បាស់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើនិយាយពីផ្នែកខាងក្នុងវិញ ត្រូវបានគេដេគ័រ ចេញជាពីរពណ៌ មានតែខ្មៅ ហើយនឹងស។ បន្ទប់ទទួលភ្ញៀវក៏ធំទូលាយ រួមជាមួយទេសភាពសួនច្បារ​ រីឯតុញុំអាហារ ក៏ធំអាចញុំច្រើនគ្នា ជាពិសេសផ្ទះបាយ ត្រូវបានរចនាបែបសម័យទំនើប​សាកសមបំផុត សម្រាប់ក្រុមគ្រួសារដែលមានសមាជិកច្រើន។ វីឡាមួយនេះមានបន្ទប់ទឹករហូតដល់ ៧ បន្ទប់ អ្វីដែលគួរឲ្យចាប់អារម្មណ៍ជាងនេះ បន្ទប់នីមួយៗ ត្រូវបានរចនាយ៉ាងប្រណិតដូចជា រីស៊តតែម្តង។

គួរបញ្ជាក់ផងដែរថា ផ្ទះនេះត្រូវបានទិញដោយតារាស្រីរូបនេះ ក្នុងតម្លៃរហូតទៅដល់ ១៣,៧៥ លានដុល្លារ ហើយនេះគឺជាផ្ទះទី ៣ របស់នាង ដែលតារាស្រីរូបនេះជាម្ចាស់កម្មសិទ្ធ។ បច្ចុប្បន្ននាងគឺជាតារាចម្រៀងដែលមានជាងគេបំផុតនៅលើពិភពលោក មានទ្រព្យសម្បត្តិកាន់កាប់រហូតដល់ ៦០០ លានដុល្លារ៕

សូមទស្សនារូបភាពខាងក្រោម៖

• តារាអន្តរជាតិ