ភ្នំពេញ៖ ការជួយកុមារក្រីក្រ ឲ្យទទួលបានការសិក្សាដោយឥតគិតថ្លៃ និងការជួយសង់ផ្ទះឲ្យពលរដ្ឋគ្មានផ្ទះសម្បែង គឺជាអំពើល្អ ដែលជួយឲ្យអ្នកស្រី ផាន់ លក្ខិណា ត្រូវបានជ្រើសតាំងជាបេក្ខនារីមួយរូប ក្នុងកម្មវិធីពានរង្វាន់ពលរដ្ឋគំរូ Smart ឆ្នាំ២០២០។
![](https://s9.kh1.co/8d/8d629c307cae40dc150b33bd45499e687d2d5ca0.jpg)
ឥឡូវនេះ អ្នកស្រីបានជាប់ជាបេក្ខនារីម្នាក់ក្នុងចំណោមបុគ្គល ដែលត្រូវបានជ្រើសតាំង ១០នាក់ សម្រាប់វគ្គផ្តាច់ព្រ័ត្រនៃកម្មវិធីពានរង្វាន់ពលរដ្ឋគំរូនេះ ហើយបើអ្នកស្រីត្រូវបានគេជ្រើសរើសជាអ្នកទទួលជ័យលាភី អ្នកស្រីនឹងទទួលបានប្រាក់រង្វាន់ចំនួន ១ម៉ឺនដុល្លារ។
អ្នកស្រី ផាន់ លក្ខិណា ដែលកើតក្នុងគ្រួសារក្រីក្រក្នុងរាជធានីភ្នំពេញ គឺជាអតីតបុគ្គលិករបស់អង្គការមិនមែនរដ្ឋាភិបាលរយៈពេល ១០ឆ្នាំ។ ក្នុងអំឡុងពេលបំពេញការងារ អ្នកស្រីតែងតែងស្រម៉ៃចង់មានឱកាសមួយ ដើម្បីជួយយកអាសារពលរដ្ឋដែលជួបការលំបាក។
ជាក់ស្តែង ក្រោយការចាកចេញពលរដ្ឋសហគមន៍ដីក្រហម ក្នុងរាជធានីភ្នំពេញ នៅឆ្នាំ២០០៩ អ្នកស្រីជាមួយនឹងស្វាមី បានជួយពួកគេបន្ទាប់ពីពលរដ្ឋទាំងនោះ បានផ្លាស់ប្តូរទីលំនៅទៅរស់នៅក្នុងភូមិស្រះពោធិ៍ ឃុំភ្នំបាទ ស្រុកពញាឮ ខេត្តកំពង់ស្ពឺ ឬហៅថាសហគមន៍តង់ខៀវ។
![](https://s9.kh1.co/e6/e6b2ec544fa6d3678be31f6a927d67e3b1dc1fc6.jpg)
អ្នកស្រីបានថ្លែងថា៖
នៅដើមឆ្នាំ២០១១ ដោយទទួលបានជំនួយពីសប្បុរសជននៅប្រទេសអូស្រ្តាលី អ្នកស្រីបានមកបង្កើតអង្គការមួយឈ្មោះថា អង្គការម៉ាណាជីវិត ជាមួយស្វាមីរបស់អ្នកស្រី។ ក្រោយមក អង្គការរបស់អ្នកស្រីក៏ទទួលបានជំនួយបន្ថែមពីព្រះវិហារគ្រីស្ទសាសនា នៅប្រទេសកាណាដា និងណូវែលសេឡង់។
អ្នកស្រីបន្ថែមថា៖
![](https://s9.kh1.co/85/85ce9dfea434804c6c17f821e491eb2c9ec8dc21.jpg)
បន្ទាប់មក អង្គការរបស់អ្នកស្រីបានសាងសង់កូនផ្ទះតូចៗចំនួន ៩៣ខ្នង ជូនពលរដ្ឋសហគមន៍តង់ខៀវ និងអតីតពលរដ្ឋសហគមនបុរីកីឡា ដែលគម្រោងនេះបានបញ្ចប់នៅឆ្នាំ២០១៣ ហើយក្នុងពេលជាមួយគ្នានោះដែរ ក៏មានការបើកវគ្គបង្រៀនកុំព្យូទ័រដល់កុមារផងដែរ។
អ្នកស្រី ធី ស្រី អាយុ ៤៣ឆ្នាំ ដែលបានចាកចេញពីសហគមន៍ដីក្រហម ទៅរកស់នៅក្នុងសហគមន៍តង់ខៀវ បានថ្លែងថា អ្នកស្រី និងក្រុមគ្រួសារ ជួបការលំបាកខ្លាំងនៅពេលរស់នៅក្នុងសហគមន៍តង់ខៀវដំបូង។
អ្នកស្រីថ្លែងថា៖
![](https://s9.kh1.co/82/824d5c58578de40f9149c008266a79bf25f29e5c.jpg)
ក្រោយមក ដើម្បីជួយដល់កុមារក្រីក្រនៅក្នុងតំបន់នោះ ឲ្យទទួលបានការសិក្សាចំណេះទូទៅ អង្គការរបស់អ្នកស្រីបានបង្កើតសាលារៀនមួយឈ្មោះថា សាលារៀនដើមស្វាយ នៅឆ្នាំ២០១៤ ដែលផ្តល់ការសិក្សាពីថ្នាក់ទី១ ដល់ទី ៦។
សាលាដើមស្វាយ បានផ្តល់ការសិក្សាដល់សិស្សចំនួន ៣១៩ នាក់ក្នុងពេលបើកដំណើការពីឆ្នាំ២០១៤ ដល់២០១៩។ ជាអកុសល សាលាចំណេះទូទៅមួយនេះបានបិទនៅឆ្នាំ២០១៩ ដោយសារកង្វះខាតមូលនិធិ។
សម្រាប់ឆ្នាំសិក្សា២០២១នេះ អង្គការម៉ាណាជីវិត បានផ្តល់ការសិក្សាដល់សិស្សចំនួន៦៥ នាក់ តាមរយៈការផ្តល់អាហារូបករណ៍ដល់ពួកគេពី ៥០% ទៅ ១០០% ឲ្យទៅរៀននៅសាលាឯកជន។ ចំពោះគ្រួសារណាដែលមានការខ្វះខាតខ្លាំង អង្គការរបស់អ្នកស្រីក៏ផ្តល់ការឧបត្ថម្ភជាសាច់ប្រាក់ និងអង្ករផងដែរ។
![](https://s9.kh1.co/e7/e79b84b8d3041b28718a03aa638845b598afe388.jpg)
អង្គការក៏ទទួលបានមូលនិធិពីសប្បុរសជនមួយចំនួនទៀតផងដែរ។ អ្នកស្រី លក្ខិណា បានអំពាវនាវស្វែងរកជំនួយបន្ថែមទៀត ដើម្បីរក្សានិរន្តរភាពរបស់អង្គការ។ មានពេលខ្លះ អ្នកស្រីចំណាយថវិកាផ្ទាល់ខ្លួនដែលជាប្រាក់ចំណូលរបស់គ្រួសារ ដើម្បីរក្សាលំនឹងរបស់អង្គការក្នុងពេលខ្វះខាតមូលនិធិ ជាពិសេសក្នុងពេលកើតមានជំងឺកូវីដ-១៩ ដែលសប្បុរជននិងព្រះវិហារដែលជាម្ចាស់ជំនួយបានផ្អាក និងកាត់បន្ថយជំនួយ។
![](https://s9.kh1.co/af/afa8a5807647026221b906db6503b7e066324c05.jpg)
អំពើល្អទាំងនេះហើយ ដែលឆ្លើយតបទៅនឹងកម្មវិធីពានរង្វានពលរដ្ឋគំរូ Smart ដែលជាផ្នែកមួយនៃយុទ្ធនាការ «ឆ្ពោះទៅមុខរួមគ្នា» របស់ក្រុមហ៊ុន Smart Axiata ដែលបានចាប់ផ្តើមនៅថ្ងៃទី២៣ ខែវិច្ឆិកា ឆ្នាំ២០២០។ កម្មវិធីនេះមានបំណងស្វែងរកពលរដ្ឋកម្ពុជាដែលបានធ្វើសកម្មភាពល្អៗក្នុងការជួយប្រទេសជាតិ អ្នកជិតខាង និង សហគមន៍របស់ខ្លួន។
![](https://s9.kh1.co/dc/dc9c121c16a4b93f1e15e0739e303b9308c47bdb.jpg)
ការប្រកាសជ័យលាភីរបស់កម្មវិធីពលរដ្ឋគំរូ Smart ដែលដើមឡើយគ្រោងធ្វើនៅថ្ងៃទី២៧ ខែមីនា ឆ្នាំ២០២១ ត្រូវបានពន្យាពេល ដោយសារការរាតត្បាតជំងឺកូវីដ-១៩។ កាលបរិច្ឆេទថ្មីនឹងត្រូវជូនដំណឹងនៅពេលក្រោយ៕
ដើម្បីចូលមើលវីដេអូអំពីអ្នកស្រី ផាន់ លក្ខិណា តាមរយៈវីដេអូខាងក្រោមនេះ៖
សម្រាប់ព័ត៌មានបន្ថែម សូមតាមដានទំព័រហ្វេសប៊ុករបស់ក្រុមហ៊ុន Smart តាមរយៈ www.facebook.com/smartforcambodia ឬចូលទៅកាន់គេហទំព័រ www.smart.com.kh។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]