ជនបរទេសម្នាក់ រឹងទទឹងមិនព្រមផ្តល់សំណាក ត្រូវបានកងកម្លាំងអាវុធរាជធានីភ្នំពេញ ចេញអន្តរាគមន៍

រាជធានីភ្នំពេញ៖ យោងតាមផេកហ្វេសប៊ុកផ្លូវការរបស់កងរាជអាវុធរាជធានីភ្នំពេញ បានឱ្យដឹងថា នៅល្ងាចថ្ងៃទី២៤ ខែមីនា ឆ្នាំ២០២១ ម្សិលមិញនេះ មានបុរសជនបរទេសម្នាក់​ ដែលស្នាក់នៅខុនដូរមួយកន្លែង ស្ថិតនៅផ្លូវលេខ១០BT ភូមិសន្សកុសល៥ សង្កាត់បឹងទំពន់ទី១ ខណ្ឌមានជ័យ ដោយបុរសជនបរទេសរូបនេះ មានការជាប់ពាក់ព័ន្ធផ្ទាល់ជាមួយអ្នកជំងឺកូវីដ១៩ រឹងទទឹងមិនសហការជាមួយក្រុមគ្រូពេទ្យមិនព្រមឱ្យគ្រូពេទ្យយកសំណាក តាំងពីព្រឹកដល់ល្ងាច បើទោះបីជាក្រុមគ្រូពេទ្យព្យាយាមបញ្ចុះបញ្ចូល និង ពន្យល់ហេតុផលយ៉ាងណាក្តី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាការឆ្លើយតបនឹងការស្នើសុំពីក្រុមគ្រូពេទ្យ និងការបញ្ជាផ្ទាល់ពីឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ កម្លាំង គ អន្តរគមន៍របស់កងរាជអាវុធហត្ថរាជធានីភ្នំពេញ ដែលប្រចាំការនៅសាលារាជធានីភ្នំពេញ បានចេញសហការជាមួយគណៈបញ្ជាការឯកភាពរដ្ឋបាលខណ្ឌមានជ័យ​ និងក្រុមគ្រូពេទ្យក្រសួងសុខាភិបាល ចុះទៅដល់ទីតាំងខុនដូផ្ទាល់ និងបានបង្ខំឱ្យបុរសជនជាតិបរទេសម្នាក់នោះ យល់ព្រមឡើងរថយន្តជាមួយក្រុមគ្រូពេទ្យ ទៅកាន់មណ្ឌលសុខភាពចាក់អង្រែក្រោម ដើម្បីយកសំណាកតែម្តង៕