ភោជនីយដ្ឋាន សំបុក ប្រកាសបើកទទួលភ្ញៀវវិញ ចាប់ពីថ្ងៃសុក្រ ទី២៦ ខែមីនានេះ

ភ្នំពេញ៖ យោងទៅលើព្រឹត្តិការណ៍ថ្ងៃទី៨ មីនា ឆ្នាំ២០២១ កន្លងទៅ នៅភោជនីយដ្ឋាន សំបុក បន្ទាប់ពីមានភ្ញៀវម្នាក់បានមកទទួលទានអាហារនៅទីនេះ ហើយក្រោយមកមានតេស្តវិជ្ជមានកូវីត១៩ ធ្វើឲ្យភោជនីយដ្ឋាន សំបុកសម្រេចបិទទ្វារមួយរយៈ ដោយបុគ្គលិកទាំងអស់ ក៏ត្រូវដាក់ឲ្យធ្វើចត្តាឡីស័ក ១៤ថ្ងៃផងដែរ។ បន្ទាប់ពីធ្វើតេស្តយ៉ាងយកចិត្តទុកដាក់ និងដាក់ឲ្យនៅដាច់ដោយឡែករយៈពេល១៤ថ្ងៃ។ លទ្ធផលដែលបានបង្ហាញឡើង គឺរកឃើញថា ពុំមានក្រុមការងារណាមួយមានកូវីត១៩នោះទេ រួមទាំងអ្នកដែលបានប៉ះពាល់ផ្ទាល់ផង។

លទ្ធផលដ៏ល្អប្រសើរនេះ បង្ហាញពីវិធានការណ៍សុវត្ថិភាពដ៏រឹងមាំដែលអនុវត្តន៍ ភោជនីយដ្ឋាន សំបុក និងបង្ហាញពីប្រសិទ្ធិភាពនៃគោលការណ៍ណែនាំរបស់ក្រសួងសុខាភិបាលផងដែរ។ បន្ថែមពីការធ្វើតេស្តក្រុមការងារ និងការធ្វើចត្តាឡីស័ក ភោជនីយដ្ឋាន សំបុក ក៏បានធ្វើការសំអាត និងកម្ចាត់មេរោគជាទ្រង់ទ្រាយធំដោយក្រុមជំនាញ យ៉ាងល្អិតល្អន់ ទៅលើរាល់សម្ភារៈប្រើប្រាស់ បរិវេណក្នុង និងក្រៅប្រព័ន្ធបញ្ចេញបញ្ចូលខ្យល់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចាប់ពីថ្ងៃសុក្រទី២៦ ខែមីនា ឆ្នាំ២០២១ នេះតទៅ ភោជនីយដ្ឋាន សំបុក ដែលមានទីតាំងនៅកែងស្តុបវត្តឧណ្ណាលោម ជាប់មាត់ទន្លេ នឹងបើកដំណើរការជាធម្មតាឡើងវិញ។ បន្ទាប់ពីបើកឡើងវិញ ភោជនីយដ្ឋាន សំបុក នឹងបន្តវិធានការសុវត្ថិភាព ដែលតែងតែអនុវត្តន៍កន្លងមក ដើម្បីរក្សាសុវត្ថិភាពដល់អ្នកគ្រប់គ្នា។ បុគ្គលិករបស់យើងនឹងត្រូវវាស់សីតុណ្ហភាពមុនពេលចូលភោជនីយដ្ឋាន ពាក់ម៉ាស់ បាញ់អាល់កុល លាងដៃជាប្រចាំ និង រក្សាអនាម័យផ្ទាល់ខ្លួន។ យើងក៏នឹងអនុវត្តន៍វិធានការណ៍គម្លាតសង្គមផងដែរ ដោយរៀបចំតុគម្លាតយ៉ាងតិច១ម៉ែត្រកន្លះពីគ្នា ដូច្នេះភ្ញៀវរបស់យើងអាចទទួលអាហារឆ្ងាញ់ពិសារ ប្រកបដោយសុវត្ថិភាព និង ផាកសុកភាព។

គួរបញ្ជាក់ផងដែរ ចាប់ពីថ្ងៃទី២៦ ខែមីនា ឆ្នាំ២០២១ សំបុកនឹងមានបម្រើជូននូវមុខម្ហូប A La Carte ពេញទាំងអស់សម្រាប់ទាំងអាហារពេលព្រឹក ថ្ងៃត្រង់ និង ពេលល្ងាច។ ភោជនីយដ្ឋានក៏មានទទួលការវិចខ្ចប់ផងដែរ។ ទំនាក់ទំនងតាមលេខទូរស័ព្ទ 093575157 ឬ តាមរយៈផេក Sombok Restaurant ។