ធ្លាប់ទេ ឲ្យតែយប់ឡើងឃ្លាន រសាប់រសល់គេងមិនលក់ ដឹងតែដើរសំដៅទៅផ្ទះបាយរកអីញ៉ាំតែម្តង។ តាមពិតទៅ ញ៉ាំចំណីនៅពេលយប់មិនមែនជារឿងខុសនោះទេ ប៉ុន្តែយើងក៏ត្រូវតែដឹងដូចគ្នាថា ចំណីណាដែលគួរញ៉ាំ និងចំណីណាដែលមិនគួរញ៉ាំ ព្រោះញ៉ាំនៅពេលយប់បែបនេះមិនសូវល្អប៉ុន្មានទេចំពោះសុខភាព ដោយយើងញ៉ាំហើយគឺគេង មិនបានធ្វើចលនាអ្វីដើម្បីជំនួញដល់ការរំលាយអាហារនោះទេ។
![](https://s9.kh1.co/6d/6db27dff8106e038389a96bfaf0a2b5385b6f2eb.png)
ដូច្នេះបើមិនចង់គេងទាំងឃ្លាន មកដឹងទាំងអស់គ្នាពីចំណីអាហារ ដែលគួរ និងមិនគួរញ៉ាំនៅពេលយប់៖
ចំណីដែលគួរញ៉ាំ
១. ទឹកដោះគោAlmondក្តៅៗ
ញ៉ាំទឹកដោះគោAlmond ជួយធ្វើឲ្យមានអារម្មណ៍ស្រស់ស្រាយ ស្រឡះនៅក្នុងខ្លួន ហើយបើញ៉ាំក្តៅទៀតនោះ គឺកាន់តែមានផលល្អជាង ការញ៉ាំទឹកគោត្រជាក់ៗ។
![](https://s9.kh1.co/07/07a1c2ad1652278399e7b53c270cf5889a822e8a.jpg)
២. សណ្តែក ឬគ្រាប់ធញ្ញជាតិ
ញ៉ាំសណ្តែក ឬគ្រាប់ធញ្ញជាតិគឺល្អសម្រាប់សុខភាព ប៉ុន្តែលោកអ្នកគួរជ្រើសរើសសណ្តែក ឬគ្រាប់ធញ្ញជាតិណាដែលមិនចម្អិនដោយការរំពងខ្លាញ់ និងមិនលាយជាតិអំបិល ប៊ីចេង និងម្សៅគ្រឿងទេសផ្សេងៗ។
![](https://s9.kh1.co/ea/eaad9b985704c912cdb4a825bb5f40a066ec3012.jpg)
៣. យ៉ាអួរ (Yoghurt)
យ៉ាអួរ ជួយសម្រួលឲ្យប្រព័ន្ធរំលាយអាហារដំណើរការបានល្អ និងថែមទាំងអាចជួយមិនឲ្យមានអាការៈហើមពោះទៀតផង។ ប៉ុន្តែគួរញ៉ាំយ៉ាអួរប្រភេទធម្មជាតិ ដែលមិនមានជាតិស្ករ ឬលាយជាមួយសារជាតិផ្សេងៗ។
![](https://s9.kh1.co/ed/ed3f5fa0d21e523bb1a8e329c14160fd06e92d6b.jpg)
៤. ចេក
ចេកជាផ្លែឈើម្យ៉ាងដែលមានអត្ថប្រយោជន៍ជាច្រើន សម្រាប់សុខភាព និងរាងកាយរបស់យើង។
![](https://s9.kh1.co/f6/f60418f33aea0b3e4c8bfe73169e6579d8032813.jpg)
ចំណីដែលមិនគួរញ៉ាំ
១. ដំឡូងបារាំងបំពង
ជាការពិតដំឡូងបារាំងបំពងមានរសជាតិឆ្ងាញ់ ហើយឆាប់ឆ្អែត ប៉ុន្តែវាមានកូឡេស្តេរ៉លខ្ពស់ និងមានសារជាតិជាច្រើនរួមផ្សំដូចជា អំបិល និងម្សៅគ្រឿងទេស។
![](https://s9.kh1.co/38/38d10efed30a095effe659f7b6c0e1d0a0c063a9.jpg)
២. មីកញ្ចប់
សរសៃមីផលិតចេញពីម្សៅអង្ករ ដែលមានកូឡេស្តេរ៉ល និងសារធាតុអំបិលខ្ពស់។
![](https://s9.kh1.co/83/83010222e72ec0bc011e3881c83a5883c6df55ca.jpg)
៣. ការ៉េម
ការ៉េម ជាប្រភេទបង្អែមម្យ៉ាងដែលមានជាតិស្ករខ្ពស់ ហើយប្រសិនបើញ៉ាំការ៉េមច្រើននៅពេលយប់ អាចធ្វើឲ្យលោកអ្នកប្រឈមនឹងការឡើងទម្ងន់ ទាំងមិនដឹងខ្លួន។
![](https://s9.kh1.co/3d/3dab673e9125631c99c14bc772e2d61ec1cc7151.jpg)
សរុបសេចក្តីមក ដូចដែលបានលើកមកនិយាយខាងលើ ញ៉ាំចំណីនៅពេលយប់មិនខុសទេ ប៉ុន្តែយកល្អគួរតែមានវិន័យ និងបែងចែកពេលវេលានៃការញ៉ាំអាហារឲ្យបានត្រឹមត្រូវ នោះទើបហុចផលល្អចំពោះសុខភាព៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]