សេចក្តីលម្អិត លើករណីស្លាប់បុរសជនជាតិខ្មែរអាយុ​ ៥៥ឆ្នាំ​ នៅមន្ទីរពេទ្យមិត្តភាពខ្មែរ សូវៀត

ភ្នំពេញ៖  មានបុរសជនជាតិខ្មែរ អាយុ៥៥ឆ្នាំម្នាក់ បាន បាត់បង់ជីវិតដោយសារជំងឺកូវីដ១៩ ខណៈពេលដែលកំពុងសម្រាកព្យាបាលនៅមន្ទីរពេទ្យខ្មែរ សូវៀត។

ដោយឡែក ដំបូងឡើយ លោកបានធ្លាក់ខ្លួនឈឺ ក្អក ក្តៅខ្លួន ប្រហែលជា៣ ទៅ៤​ថ្ងៃ ហើយស្ថានភាពកាន់តែធ្ងន់ទៅៗ ក៏ សម្រេច បញ្ជូន ទៅមន្ទីរពេទ្យមិត្តភាពខ្មែរ​ សូវៀត នៅថ្ងៃទី២៥ ខែមិនា ឆ្នាំ២០២១ វេលាម៉ោង១៥ៈ៣០នាទី ក្នុងស្ថានភាពដង្ហក់ខ្លាំង ដោយការសង្ស័យក្រុមគ្រូពេទ្យបានយកសំណាករបស់អ្នកជំងឺទៅវិភាគភ្លាមៗ ហើយលទ្ធផលគឺបញ្ជាក់ថាលោកមានវិជ្ជមានកូវិដ១៩ នៅថ្ងៃដដែល វេលាម៉ោង ២៣ៈ០០ នាទីយប់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយសារស្ថានភាពអ្នកជំងឺធ្ងន់ធ្ងរពេក ក្រុមគ្រូពេទ្យបានព្យាបាលដោយប្រើប្រាស់ ឧបករណ៍ជំនួយការដកដង្ហើម ប៉ុន្តែជាការអកុសលអ្នកជំងឺបានផុតដង្ហើមកន្លះម៉ោងប៉ុណ្ណោះ ដោយការសន្និដ្ឋានរបស់គ្រូពេទ្យ បុរសដែលមានអាយុ៥៥ឆ្នាំខាងលើ បានបាត់បង់ជីវិតដោយសារវីរុសកូវិដ១៩វាយលុកសួតសាហាវលឿននិង ធ្ងន់ធ្ងរខ្លាំងពេក៕

សូមចូលទស្សនាលំខិតដែលបានចេញដោយក្រសួងសុខាភិបាល៖