ប៉ុន្មានសន្លឹក បង្កប់អត្ថន័យជ្រាលជ្រៅ! លែងខ្វល់ពីឋានៈ ស្វាមីភរិយាមួយគូនេះ ចូលរួមយ៉ាងសកម្ម ក្នុងរឿងកូវីដ

រាជធានីភ្នំពេញ ៖ ពិតណាស់ គូស្វាមីភរិយាមួយគូនេះ គឺ លោកឯកឧត្តមនាយឧត្តមសេនីយ៍ឯក ហ៊ុន ម៉ាណែតប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ និង លោកជំទាវ ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ដែលត្រូវជាកូនប្រុសច្បង និងកូនប្រសារស្រីរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា ចូលរួមយ៉ាងសកម្មគួរឲ្យកត់សម្គាល់ ក្នុងរឿងជំងឺកូវីដ១៩នេះ។

ទន្ទឹមនឹងនេះ ខណៈពេល ការរីករាលដាលនៃជំងឺកូវីដ១៩ កាន់តែស្មុគស្មាញទៀតនោះ គេឃើញថា ប្រជាជនខ្មែរជាច្រើនណាស់ បង្ហាញការព្រួយបារម្ភ ក្នុងការចេញទៅក្រៅផ្ទះ ធ្វើការជាមួយមនុស្សមកពីកន្លែងផ្សេងៗគ្នា បើទោះបីយើងប្រយ័ត្ន បើអ្នកជំុវិញយើងនៅតែធ្វេសប្រហែស នោះជំងឺនេះមានហានិភ័យខ្ពស់ក្នុងការឆ្លងមកយើងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ថា សម្រាប់គូស្វាមីភរិយាមួយគូនេះវិញ ប្រែជាផ្ទុយស្រឡះទៅវិញ ទោះបីមានឋានៈខ្ពង់ខ្ពស់ មុខងារបញ្ជាគេឯងបាន យ៉ាងណាក្តី តែសម្រាប់ពួកគាត់វិញគឺ បែរជាស្ម័គ្រចិត្តចុះជួយផ្ទាល់ ដោយមិនភ័យខ្លាចឆ្លងជំងឺ មិនខ្វល់ពីយសសក្តិ លះបង់សេចក្តីសុខខ្លួនទាំងមូល ដើម្បីចូលទៅប្រលូកពេញទំហឹង ក្នុងការប្រយុទ្ធប្រឆាំងនឹងជំងឺកូវីដនេះ ។ លើសពីនេះទៅទៀត ប្រសិនបើត្រឹមតែប្រាប់នោះ បងប្អូននឹងពិបាកជឿណាស់ ប៉ុន្តែ រូបភាពប៉ុន្មានសន្លឹកខាងក្រោមនេះ នឹងបញ្ជាក់ឲ្យមហាជនច្បាស់តែម្តង អ្នកទាំងពីរស៊ូចាប់ដៃប្តីប្រពន្ធ ទុក្ខរួមទុក្ខ ឃ្លាតឆ្ងាយពីកូនៗជាទីស្រលាញ់ ចំណាយពេលទាំងយប់ទាំងថ្ងៃ ជួយគ្នារួមគ្នាដោយមិនគិតមុខមាត់ ជាដើម៕

បើចង់ដឹងឲ្យកាន់តែច្បាស់ទៀតនោះ តោះទៅមើលរូបភាពខាងក្រោម ៖

• គ្រួសារ
• ការងារ
• ជីវិត
• រូបភាព