អាងតែសាច់មុខគេស្អាត IU ថតរូប selfie បង្ហាញសាច់មុខឡើងម៉ត់ខៃ

កូរ៉េខាងត្បូង៖ បានបង្ហាញខ្លួនអស់រយៈពេលជាង ១២ ឆ្នាំមកហើយ តែតារាចម្រៀងស្រីទោល នាង IU បានសាងកេរ្តិ៍ឈ្មោះមានភាពល្បីល្បាញ មិនថាអាជីពធ្វើអ្នកចម្រៀង ឬក៏តារាសម្តែង ក្នុងវិស័យឧស្សាហកម្មកំសាន្តកូរ៉េមានភាពជោគជ័យ គួរឲ្យកត់សម្គាល់។

តួយ៉ាង ដោយសារតែត្រូវបានគេចាប់អារម្មណ៍យ៉ាងខ្លាំង ចំពោះសម្លេងផ្អែមដ៏សែនស្រទន់ គួបផ្សំបទភ្លេងរសនិយមគួរឲ្យទាក់ទាញ មិនត្រឹមតែប៉ុណ្ណោះ រូបសម្រស់របស់តារាស្រីរូបនេះ ក៏ស្រស់ស្អាតសោភា​ សមស្របតាមស្តង់ដារនារីកូរ៉េផងនោះ បានធ្វើឲ្យនាងមានភាពលេចធ្លោខ្លាំង មិនចាញ់នឹងតារាស្រីដទៃនោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្តែងកាលពីថ្មីៗនេះ IU មានឈ្មោះពិត Lee Ji-eun បានក្លាយជាប្រធានបទរបស់មហាជន នៅពេលដែលបង្ហោះរូប Selfie ប៉ុន្មានសន្លឹក បង្ហាញឲ្យឃើញ នៃសាច់មុខឡើងច្បាស់ សម៉ត់ខៃ គ្មានស្នាមជ្រីវជ្រួញសូម្បីតែបន្តិច ជាពិសេសនោះ កែវភ្នែកឡើងធំមូលក្លំឡើងដូចតុក្កតា។

ជាមួយរូបភាពទាំងនេះ បានទាក់ទាញអ្នកគាំទ្រមិនស្ទើរ នៃទម្រង់មុខ ដ៏ស្រស់ស្អាតដូចព្រះនាងក្នុងរឿងនិទាន បានធ្វើឲ្យ  IU ទទួលបានការកោតសរសើរ ពីសំណាក់មហាជន ដោយបានលើកឡើងថា មិនថាទាំងទេពកោសល្យ ឬក៏សម្រស់ តារាចម្រៀងស្រីវ័យ ២៨ ឆ្នាំរូបនេះ នៅតែមានភាពទាក់ទាញ ជាពិសេសនោះមន្តស្នេហ៍ដ៏ស្រស់ស្អាតរបស់នាងតែម្តង៕

សូមទស្សនារូបភាពខាងក្រោម៖

• តារាកូរ៉េ