បន្ទាន់! អនុគណ:កម្មការស្រាវជ្រាវកូវីដ១៩ អំពាវនាវឲ្យអ្នកធ្លាប់ទៅ ទទួលសេវានៅធនាគារនេះ ប្រញាប់ធ្វើតេស្តជាបន្ទាន់

ភ្នំពេញ: យោងតាមសេចក្តីជូនដំណឹងរបស់ អនុគណៈកម្មការស្រាវជ្រាវជំងឺកូវីដ១៩ នៃព្រះរាជាណាចក្រកម្ពុជា​សូមធ្វើសេចក្តីអំពាវនាវឲ្យប្រជាពលរដ្ឋ ដែលធ្លាប់បានទៅទទួលសេវាកម្មនៅធនាគារ Sacombank​ Cambodia សាខាស្ថិតនៅទីតាំងផ្ទះលេខ២៧៤ វិថីព្រះសីហនុ សង្កាត់ វាលវង់ ខណ្ឌ ៧មករា ​រាជធានីភ្នំពេញ​ ដោយរាប់គិតចាប់ពីថ្ងៃទី១០ ដល់ថ្ងៃទី ២៤ ខែមីនា ឆ្នាំ២០២១។ ដោយផ្អែកលើមូលហេតុអ្នកវិជ្ជមានកូវីដ១៩ ជាបុគ្គលិកផ្នែកអនាម័យនៅទីនោះ។

ដោយអាស្រ័យហេតុនេះ ប្រសិនបើបងប្អូនមានរោគសញ្ញាដូចជា៖ គ្រុនក្ដៅ ក្អក កណ្ដាស់ ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វេីតេស្តរកមេរោគ កូវីដ១៩​​ ដែលមានទីតាំងនៅ វិទ្យាល័យ​បាក់ទូក​,​វិទ្យាល័យ​បឹង​ត្របែក​ មណ្ឌលសុខភាពចាក់អង្រែក្រោម មន្ទីរ​ពេទ្យខ្មែរ-សូវៀត​ សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន) មន្ទីរពេទ្យបង្អែកនៅតាមបណ្តាខេត្តនានា។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រីឯសម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ៕

• ជីវិត
• រូបភាព