ជាព្រះករុណាទីគុណណាស់!«សម្តេចម៉ែ ប្រោសព្រះរាជទានព្រះរាជទ្រព្យ ចំនួន២០មុឺនដុល្លារ ជូនរាជរដ្ឋាភិបាលដើម្បីទិញ យកមន្ទីរពេទ្យស្រ្តីនគរទេព»

ភ្នំពេញ: យោងតាមគេហទំព័រហ្វេសប៊ុក​ Royal De​ Combodge និង​យោងតាមព្រះរាជសាររបស់​ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត​ ផ្ញើជូនសម្តេចអគ្គសេនាធិបតីតេជោ ហ៊ុន​ សែន នាយករដ្ឋមន្រ្តីនៃព្រះរាជាណាចក្រកម្ពុជា ដោយសម្តេចព្រះមហាក្សត្រី​ ហ្លួងម៉ែ ស្តេចសព្វព្រះរាជហឫទ័យ ប្រោសព្រះរាជទានវិភាគទានជាព្រះរាជទ្រព្យផ្ទាល់ដ៏ឧត្តុង្គឧត្តម ចំនួន ២០មុឺនដុល្លារសហរដ្ឋអាមេរិក ជូនដល់រាជរដ្ឋាភិបាលកម្ពុជា ដើម្បីទ្រទ្រង់ដល់ដំណើរការទិញយកមន្ទីរពេទ្យស្រ្តីនគរទេព ដែលបច្ចុប្បន្នជាកន្លែងសម្រាប់ពិនិត្យព្យាបាលអ្នកជំងឺកូវីដ១៩ ហើយនឹងត្រូវប្រែក្លាយទៅជាមន្ទីរពេទ្យរដ្ឋ ដោយប្រសិទ្ធនាមថា «មន្ទីរពេទ្យហ្លួងម៉ែ» នាពេលខាងមុខនេះ។

គួររំលឹកផងដែរថា មន្ទីរពេទ្យនគរទេព និងប្តូរឈ្មោះជាមន្ទីរពេទ្យហ្លួងម៉ែ ព្រមទាំងនឹងក្លាយជាកន្លែងសម្រាប់ព្យាបាលអ្នកដែលជំងឺកូវីដ១៩ថែមទៀតផង៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

• រូបភាព