Solo King! ការបញ្ជាទិញ Album ទុកមុនរបស់ Baekhyun ត្រូវបានកុម្មង់ច្រើនជាង ៨សែនបន្ទះ

កូរ៉េខាងត្បូង៖ យោងតាមភ្នាក់ងារនៃ​ផលិតកម្ម SM បានរាយការណ៍មកថា ការបញ្ជាទិញជាមុនសម្រាប់អាល់ប៊ុមតូចទី ៣ របស់លោក Baekhyun សមាជិកក្រុម EXO បានឈានដល់ចំនួន ៨៣៣.៣៩២ បន្ទះ បើគិតត្រឹមថ្ងៃទី ២៩ ខែមីនានេះ។

ជាមួយនឹង ភាពជោគជ័យមួយនេះ គឺជាការបញ្ជាទិញខ្ពស់បំផុតក្នុងប្រវត្តិសាស្រ្តរបស់ Baekhyun ជាមួយអាជីពជាតារាចម្រៀងទោលរបស់លោក ដែលនាំឱ្យ តារាប្រុសរូបនេះ កាន់តែខិតជិតក្លាយជាសិល្បករទោល K-pop ងារជា «Million Seller» ម្តងទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា កាលពីឆ្នាំមុនតារាប្រុសវ័យ ២៨ឆ្នាំរូបនេះ បានក្លាយជាសិល្បករទោលដំបូងគេ របស់កូរ៉េខាងត្បូង បន្ទាប់ពី Seo Taiji ទទួលបានងារជា «Million Seller» ជាមួយអាល់ប៊ុមខ្នាតតូចទី ២ របស់លោក «Delight» ដោយត្រូវបានគេឲ្យដឹង Baekhyun គឺជាអ្នកចម្រៀងទោលជនជាតិកូរ៉េ រយៈពេល ២ ឆ្នាំចុងក្រោយ ដែលបានលក់អាល់ប៊ុមច្រើនបំផុត នេះបើយោងតាមតារាង Gaon ៕

សូមអបអរជាមួយសមិទ្ធិផលថ្មីរបស់ Baekhyun!

សូមទស្សនារូបភាពខាងក្រោម៖

• តារាកូរ៉េ