បន្ទាន់! ក្រសួងសាធារណៈការ​ និងដឹកជញ្ជូន ចេញសេចក្ដីណែនាំនៃការបង្ការ​ ជំងឺកូវីដ១៩ នៃឱកាសបុណ្យចូលឆ្នាំខ្មែរប្រពៃណីជាតិ​

ភ្នំពេញ: យោងតាមសេចក្តីណែនាំលេខ០១០ សណន​.សក​.ដជគ​ ស្តីអំពីវិធានការនៃការបង្ការ​ និងទប់ស្កាត់ជំងឺកូវីដ១៩ ក្នុងអំឡុងពេលឈប់សម្រាកចំនួន៣ថ្ងៃនៃឱកាសបុណ្យចូលឆ្នាំខ្មែរប្រពៃណីជាតិ​ ដល់ម្ចាស់ក្រុមហ៊ុន​ និងអាជីវករដឹកជញ្ជូនអ្នកដំណេីរនៅទូទាំងព្រះរាជាណាចក្រកម្ពុជា ក្រសួងសាធារណការ និងដឹកជញ្ចូន សូមធ្វើការណែនាំដល់ម្ចាស់​ក្រុមហ៊ុន​ និងអាជីវករដឹកជញ្ចូនអ្នកដំណើរគ្រប់ប្រភេទ​ ត្រូវយកចិត្តទុកដាក់គោរពតាមសារាចរណែនាំ និងបន្តអនុវត្តនូវវិធានការការពាររបស់ក្រសួងសុខាភិបាលឲ្យបានម៉ត់ចត់ដូចខាងក្រោម៖

១.រក្សាគម្លាតសុវត្ថិភាព និងសម្អាតកន្លែងផ្តល់សេវាដល់អតិថិជនឲ្យបានស្អាតជានិច្ច ជាពិសេសនៅចំណតយានយន្ត បញ្ជារលក់សំបុត្រ កន្លែងរងចាំ កន្លែងទទួលទានអាហារ​ បន្ទប់ទឹកជាដើម។ល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

២.ត្រួតពិនិត្យ និងតាមដានសុខភាពអ្នកបើកបរ​ ព្រមទាំងភ្ញៀវជាអ្នកដំណើរដោយឲ្យពាក់ម៉ាសជាប្រចាំ

៣.ត្រូវប្រើប្រាស់ទឹកអាកុល ឬសារធាតុសម្លាប់មេរោគដើម្បីលាង​សម្អាតវត្ថុទាំងងឡាយ​នៅក្នុងរថយន្ត

៤.ត្រូវបើកបង្អួចឲ្យមានខ្យល់ចេញចូល និងជៀសវាងការបើកម៉ាស៊ីនត្រជាក់

៥.រាល់អ្នកដំណើរមុនអនុញ្ញាតឲ្យឡើងលើឡាន ត្រូវត្រួតពិនិត្យកម្តៅ និងតម្រូវឲ្យពាក់ម៉ាស ព្រមទាំងប្រើជែល ឬទឹកអាកុលសម្រាប់លាង​សម្អាតដៃ ក្នុងករណីភ្ញៀវមានកម្តៅលើស​ពី​៣៧.៥អង្សារមិនអនុញ្ញាតឲ្យឡើងជិះលើរថយន្តទេ

៦.ម្ចាស់ក្រុមហ៊ុន​ និងអ្នកដំណើរទាំងអស់ត្រូវចូលរួមអនុវត្តវិធានការ៣កុំ ៣ការពារ​ តាមការណែនាំរបស់ក្រសួងសុខាភិបាល

៧.ម្ចាស់ក្រុមហ៊ុន​ និងអាជីវករដឹកអ្នកដំណើរមិនត្រូវដំឡើងថ្លៃដឹកជញ្ចូនក្នុងកំឡុងពិធីបុណ្យចូលឆ្នាំប្រពៃណីជាតិខាងមុខនោះឡើយ៕

ចង់ដឹងឲ្យកាន់តែលម្អិតជាងនេះទៅទៀតនោះ សូមអានសេចក្តីណែនាំលម្អិតដែលមានភ្ជាប់ជូននៅផ្នែកខាងក្រោម៖

• រូបភាព