បរទេស៖ ក្រុមហ៊ុន SpaceX នៅតែមានបញ្ហាក្នុងការហោះហើរសាកល្បងរុ៉ក្កែត Starship។ ដូចដែល Ars Technica បានរាយការណ៍ ក្រុមហ៊ុន SpaceX បានបាត់បង់គំរូរ៉ុក្កែត Starship SN11 នៅរយៈពេល6នាទីក្នុងការហោះហើរ។ គេមិនច្បាស់ថាមានអ្វីកើតឡើងនោះទេ ប៉ុន្តែកាមេរ៉ាដែលនៅលើវាបានបិទភ្លាមៗ បន្ទាប់ពីម៉ាស៊ីនមួយរបស់ Starship ត្រៀមចុះចត ហើយក្រោយមកផ្នែកខ្លះនៃយានដែលផ្ទុះឆេះ បានធ្លាក់នៅលើកន្លែងចុះចត។
លោក Elon Musk បានកត់សម្គាល់ថា ម៉ាស៊ីនទី2មានបញ្ហាទាំងពេលឡើងនិងចុះចត។ នាយកប្រតិបត្តិរូបនេះបានបន្តទៀតថា ព័ត៌មានលម្អិតបន្ថែមទៀតនឹងត្រូវបញ្ចេញបន្ទាប់ពីក្រុមហ៊ុន SpaceX ពិនិត្យមើលកម្ទេចកម្ទីដែលធ្លាក់នោះរួច។
នេះគឺជាបរាជ័យមួយសម្រាប់ SpaceX។ ការសាកល្បងហោះហើរគំរូរ៉ុក្កែតលើកមុនទទួលបានជោគជ័យចាប់ពីដំណើរការដំបូងរហូតដល់ពេលចុះចត រ៉ុក្កែត SN10 លើកមុនចុះចតបានសម្រេច មុនពេលដែលវាផ្ទុះឡើង10នាទីក្រោយមក ដោយសារតែការដាច់ខ្សែប្រេង។ តែលើកនេះ SN11 មិនបានសូម្បីតែចុះចតមកដីវិញ ដែលនេះគឺជាការព្រួយបារម្ភមួយ ដោយសារការហោះហើរលើកក្រោយ អន់ជាងលើកមុនទៀត។
នេះក៏មិនមែនជាវិបត្តិអ្វីសម្រាប់ SpaceX ដែរ ព្រោះក្រុមហ៊ុនអាចសាងសង់គំរូរ៉ុក្កែត Starship ថ្មីបានក្នុងរយៈពេលបីសប្តាហ៍ឬតិចជាងនេះ ហើយជំនាន់បន្ទាប់របស់វាអាចជាគំរូជឿនលឿនជាងនេះក៏ថាបាន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
