ភ្នំពេញ: មហាជន និងប្រិយមិត្តពិតជាចាំបាននូវហេតុកាណ៍ដ៏សែនហួសចិត្ត ដែលបានបង្កការភ្ញាល់ផ្អើលកាលពី វេលាម៉ោង៤ល្ងាចថ្ងៃទី២៥ ខែមីនា ឆ្នាំ២០២១ ដោយមានក្រុមគ្រូពេទ្យក្លែងក្លាយចំនួន១២នាក់ បន្លំធ្វើជាក្រុមគ្រូពេទ្យជំនាញ ចុះយកសំណាក រួចចាប់ជម្រិតទារប្រាក់ ៣មុឺនដុល្លារពីជនរងគ្រោះ។ ករណីចាប់ជម្រិត ទារប្រាក់នេះ កើតឡើងនៅចំណុចទីតាំងផ្ទះលេខ០៤ និងលេខ ០៦ ផ្លូវលេ១៤៤ ភូមិ៦ សង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ ក្នុងសណ្ឋា គារ POSITANO BOUTIQUE HOTEL តែជាសំណាងល្អកម្លាំងជំនាញបានរំដោះបុរសជនរងគ្រោះបានចំនួន០២នាក់ដោយសុវត្ថិភាព។
ដូចដែលពាក្យចាស់លោកពោលថា ធ្វើអាក្រក់បានអាក្រក់មែន! កាលពីម្សិលមិញនេះ នៅថ្ងៃទី៣០ ខែមីនា ឆ្នាំ២០២១កន្លងទៅនេះ កម្លាំង ជំនាញ នៃនាយកដ្ឋានព្រហ្មទណ្ឌរបស់ក្រសួងមហាផ្ទៃ ដឹកនាំសហការជាមួយនឹងកម្លាំងជំនាញនៃអធិការដ្ឋានខណ្ឌចំការមន បាននាំខ្លួនជនជាតិចិននិងវៀតណាមចំនួន ១៤នាក់ដែលជាប់ពាក់ព័ន្ធជាមួយនឹងករណីចាប់ជម្រិត យកលុយចំនួន៣មុឺនដុល្លារខាងលើនេះ យកទៅសាលាដំបូងរាជធានីភ្នំពេញ ដើម្បីចាត់ការតាមនិតីវិធីច្បាប់ព្រហ្មទណ្ឌនៃព្រះរាជាណាចក្រកម្ពុជាជាបន្ត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
