ក្រុមហ៊ុន GANZBERG បានបើកយុទ្ធនាការចែកឧបករណ៍បាញ់ថ្នាំ និងចុះបាញ់ថ្នាំសម្លាប់មេរោគ ទូទាំងខណ្ឌក្នុងរាជធានីភ្នំពេញ

ភ្នំពេញ៖ ក្រុមហ៊ុន GANZBERG បានបើកយុទ្ធនាការចែកឧបករណ៍បាញ់ថ្នាំ និងចុះបាញ់ថ្នាំសម្លាប់មេរោគ ទូទាំងខណ្ឌក្នុងរាជធានីភ្នំពេញ។ ដើម្បីចូលរួមការការពារពីជំងឺ Covid-19 នៅតាមទីតាំងសំខាន់ៗ រួមគ្នាលុបបំបាត់ មេរោគ Covid-19 រួមគ្នាអនុវត្តន៍វិធានការ ៣កុំ ៣ការពារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយនៅក្នុងនោះផងដែរ កាលពីថ្ងៃពុធ ទី៣១ ខែមីនា ឆ្នាំ២០២១ ម្សិលមិញនេះ វត្តមានរបស់ក្រុមការងារ GANZBERG បាននាំគ្នាចូលរួមយ៉ាងសស្រាក់សស្រាំ ចុះអនុវត្តផ្ទាល់បាញ់ថ្នាំសំលាប់មេរោគ ដើម្បីរក្សាអនាម័យជូនប្រជាជននៅតាមទីតាំងសំខាន់ៗមួយចំនួន ក្នុងខណ្ឌចំការមន រាជធានីភ្នំពេញ។

គួរបញ្ជាក់ផងដែរថា នេះគឺជាសកម្មភាពសប្បុរសធម៌ជាគំរូមួយរបស់ក្រុមហ៊ុន GANZBERG នៅក្នុងការជួយសង្គម។ ដោយក្រៅពីនេះ កាលពីពេលថ្មីៗកន្លងទៅ ក្រុមហ៊ុន GANZBERG ក៏បានជួយឧបត្ថម្ភជាថវិកាចំនួន ៥០ ម៉ឺនដុល្លារផងដែរ ជូនទៅរាជរដ្ឋាភិបាលនៃព្រះរាជាណាចក្រកម្ពុជា ក្នុងបេសកម្មប្រយុទ្ធប្រឆាំង និងទប់ស្កាត់វីរុស COVID-19៕