ជួយគ្នាក្នុងគ្រាក្រ​ ស្គាល់មិត្តល្អក្នុងគ្រាលំបាក! ប្រសើរណាស់វ៉ាក់សាំងចិនចំនួន៧០មុឺន មកដល់កម្ពុជា យប់មិញនេះ

ភ្នំពេញ: កាលពីយប់រំលងអាធាត្រ ថ្ងៃពុធ ទី៣១ ខែមីនា ឆ្នាំ២០២១​ ឈានចូល​ដល់ថ្ងៃទី១ ខែមេសា​ ឆ្នាំ២០២១នេះ វ៉ាក់សាំងកូវីដ១៩ របស់សាធារណេដ្ឋប្រជាមានិតចិនឈ្មោះថា​ ស៊ីណូហ្វាម (Sinopharm) ចំនួន៧០ម៉ឺនដូស ដែលជាជំនួយរបស់រដ្ឋាភិបាលចិនក្នុងដំណាក់កាលទី២នេះបានដឹកមកដល់ប្រទេសកម្ពុជា ក្នុងខណ: ពេលដែលកម្ពុជាកំពុងប្រឈមមុខនឹងស្ថានភាពដ៏ស្រួចស្រាល់នៃជំងឺ កូវីដ ១៩ និងដើម្បីទុកចាក់ជូនដល់បងប្អូនប្រជាពលរដ្ឋកម្ពុជាយើងដែលកំពុងប្រឈមនឹងការរីករាលដាលជំងឺកូវីដ-១៩នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងឱកាសនៃការទទួលយកអំណោយវ៉ាក់សាំងពីមិត្តដែកថែបចិន សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអញ្ជើញជាតំណាងដ៏ខ្ពង់ខ្ពស់​ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និង​ ឯកឧត្តម វ៉ាង វិនធាន ឯកអគ្គរដ្ឋ ទូតចិនប្រចាំនៅកម្ពុជា តំណាងឱ្យរដ្ឋាភិបាលចិន ព្រមទាំងមានការចូលរួមពីឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាលកម្ពុជា ថែមទៀតផង។

គួររំលឹកផងដែរថា វ៉ាក់សាំង ដែលជាជំនួយរបស់មិត្តចិនចំនួន ៧០ម៉ឺន ដូសនេះ នឹងត្រូវបែងចែកជាពីរចំណែក ក្នុងនោះ ៣០ម៉ឺនដូសប្រគល់ ជូនក្រសួងការពារជាតិ និង៤០ម៉ឺនដូសប្រគល់ជូនទៅខាងក្រសួងសុខាភិបាល​ ដើម្បីចាក់ជូនដល់ប្រជាជន និងមន្រ្តីរាជការជួរមុខដែលប្រឈមមុខខ្លាំងទៅនឹង ហានិភ័យនៃបរិបទកូវីដ​១៩​ នាពេលបច្ចុប្បន្នក្នុងប្រទេសកម្ពុជា៕

ប្រភពដកស្រង់រូបភាព:SPM

• មិត្ត
• រូបភាព