កូរ៉េខាងត្បូង៖ កាលពីថ្ងៃទី ២ ខែមេសាក្រុមហ៊ុនផលិតកម្ម Victory Contents ទទួលបន្ទុករឿង «River Where The Moon Rises» របស់ទូរទស្សន៍ KBS2 បានចេញសេចក្តីប្រកាសព័ត៌មានផ្លូវការមួយដោយបញ្ជាក់ថាពួកគេបានដាក់ពាក្យបណ្តឹងប្តឹងផលិតកម្ម Key East ដែលជាទ្រនំតារាសម្តែង Ji Soo ។
យ៉ាងណាមិញ ទោះបីក្រុមហ៊ុន Victory Contents រកដំណោះស្រាយទាក់ទងនឹងទំនួលខុសត្រូវ ដើម្បីទូទាត់សងចំពោះការខាតបង់ដែលបណ្តាលមកពីការចាកចេញរបស់តារាសម្តែង Ji Soo ក៏ដោយ ក៏ផលិតកម្ម Key East មិនបានអនុវត្តតាមឡើយ ដូច្នេះវាបានក្លាយជារឿងចៀសមិនផុតដែលពួកគេ បន្តនីតិវិធីទៅតាមផ្លូវច្បាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមរបាយការណ៍ប្រព័ន្ធផ្សព្វផ្សាយផ្សេងៗ ពាក្យបណ្តឹងដែលធ្វើឡើងដោយ ក្រុមហ៊ុនផលិតកម្ម Victory Contents បានប្តឹងទារសំណង ពាក់ព័ន្ធនឹងខូចខាត ក៏ដូចជាបំផ្លាញកេរ្តិ៍ឈ្មោះនៃរឿងមួយនេះ ចំនួនទំហំសាច់ប្រាក់ជាង ៣ ពាន់លានវ៉ុន (ប្រហែល ២,៧ លានដុល្លារ)។
ជាមួយគ្នានេះដែរ រឿងរ៉ាវមួយនេះ បានកើតឡើង នៅពេលតារាសម្តែង Ji Soo បានសារភាពចំពោះពាក្យចចាមអារ៉ាមស្តីពីការទាក់ទងនឹងករណីរឿងអាស្រូវធ្វើបាបគេ ថែមទាំងបានចាកចេញពីការសម្តែងក្នុងរឿងភាគ «River Where The Moon Rises» ។ ជាលទ្ធផលរឿងភាគយន្តមួយនេះ ត្រូវបង្ខំចិត្តប្តូរតួសម្តែងភ្លាមៗ ខណៈដែលថតស្ទើរតែបាន ៩០ ភាគរយទៅហើយ៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
