ROSÉ ចេញបទថ្មីម្ដងណាដែលថាឲ្យហ្វេនទាស់ចិត្ត? ស្ដាប់បទថ្មី Gone ពិរោះកប់(មានវីដេអូ)

កូរ៉េខាងត្បូង៖ កាលពីថ្ងៃទី ៤ ខែមេសា វេលាម៉ោង ១០យប់មិញនេះ នៅប៉ុស្តិ៍ឆានែលយូធូបជាផ្លូវការរបស់ក្រុមចម្រៀងនារីដ៏ល្បី BLACKPINK បានទម្លាក់វីដេអូចម្រៀងថ្មីរបស់សមាជិកក្រុម​ ROSÉ ជាមួយនឹងបទចម្រៀងមានចំណងជើងថា «Gone»។

បើក្រឡេកទៅមើលនៅក្នុងវីដេអូចម្រៀងមួយនេះ ជាមួយទំនុកច្រៀងតាមរយៈការសម្តែងដ៏អស្ចារ្យដែលធ្វើឱ្យមានអ្នកទស្សនាមានអារម្មណ៍ឯកោខ្លាំង ជាមួយបច្ចេកទេសកាមេរ៉ា ថតដូចរឿងពិតៗតែម្តង ជាពិសេសនោះការបញ្ចូលអារម្មណ៍ភាពទុក្ខសោក ចូលតួរបស់នាង បូករួមនឹងសម្លេងដ៏សែនពិរោះ ថែមទាំងនឹងបទភ្លេងអន្លង់អន្លោចទៀតផងនោះ ពិតជាចាក់ដោតបេះដូងសម្រាប់អ្នកកំពុងតែបែកបាក់ស្នេហា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នាដែរ នេះដូចអ្វីដែលនាងបានប្រកាស តាមការសន្យារបស់នាង ក្នុងការចេញផ្សាយនូវ MV ជាផ្លូវការសម្រាប់បទ b-side ពីអាល់ប៊ុមទោលរបស់នាង ទៅកាន់ហ្វេនៗផងដែរ។ ដោយឡែកនេះក៏ជា MV ទី​២ របស់នាងដែលបានចេញផ្សាយ បន្ទាប់ពីបទ «On The Ground» ដែលទម្លាក់កាលពីខែមុន៕

សូមទស្សនាវីដេអូខាងក្រោម៖

• តារាកូរ៉េ