កូនទើប២ឆ្នាំ តារារ៉េប​ Cardi B ជះលុយរាប់ម៉ឺនដុល្លារទិញកាបូបប៊្រេនៗឲ្យកូនយួរលេង

បរទេស៖ ទោះបីមិនមែនជាមហាសេដ្ឋីដូច Kylie Jenner ក៏ពិតមែន ប៉ុន្តែបើនិយាយពីការលេងស្ទីលខ្លួន ការទិញសម្លៀកបំពាក់ម៉ាកប្រេ៊នថ្លៃៗ តារាចម្រៀងរ៉េប Cardi B ត្រូវបានគេកោតសរសើររាប់មិនអស់ ជាមួយការតុបតែងខ្លួនបែបប្លែករបស់នាង ជាពិសេសនោះ ស្ទាយរបស់កូនស្រីនាងត្រូវបានគេលើកមកនិយាយជារឿយៗផងដែរ។

ជាក់ស្តែងកាលពីថ្មីៗនេះ តារាចម្រៀងរ៉េបវ័យ ២៨ឆ្នាំរូបនេះ ត្រូវបានរាយការណ៍មកថា បានចំណាយប្រាក់រាប់ម៉ឺនដុល្លារឯណោះ ក្នុងការទិញគ្រឿងសម្ភារៈថ្លៃៗជាច្រើន ឲ្យកូនស្រីរបស់នាង ឈ្មោះថា Kulture កំពុងតែទទួលបានការចាប់អារម្មណ៍ជាខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក បើតាមរូបភាព ម្ចាស់បទ «WAP» រូបនេះ បានបង្ហាញម៉ូតកាបូបដៃជាច្រើន និងគ្រឿងអលង្ការប្រណីតបានរៀបចំយ៉ាងស្អាត។ បើក្រឡេកមើលដំបូងមនុស្សគ្រប់គ្នាគិតថានេះ វាជារបស់ Cardi ក៏ប៉ុន្តែធាតុពិតរបស់ទាំងអស់នេះ គឺទិញឲ្យកូនស្រីរបស់នាង ដែលមានអាយុត្រឹមតែ ២ ឆ្នាំនោះទេ។

ក្នុងនោះផងដែរ មានប្រ៊េនល្បីៗជាច្រើនមានដូចជា Chanel Givenchy Balenciaga និង Dior ជាដើម។ ជាពិសេសនោះ ចំនួនទឹកប្រាក់សរុបបានចំណាយលើកូនស្រីរបស់នាងម្តងៗ មានទៅដល់ ៤០ ម៉ឺនដុល្លារឯណោះ។ តារាស្រីរូបនេះក៏បានបានសារភាពផងដែរថា នាងបានទិញរបស់របរទាំងនេះ ឲ្យកូនស្រីរបស់នាង ច្រើនជាងនាងទិញឲ្យខ្លួនឯង៕

សូមទស្សនារូបភាពខាងក្រោម៖

• តារាអន្តរជាតិ