បរទេស៖ មហាជនប្រាកដជាបានស្គាល់ជាក់ជាមិនខាន ជាមួយនឹងតារាសម្រៀងរូបស្រស់ សម្លេងពិរោះដ៏ល្បីល្បាញម្នាក់របស់សហរដ្ឋអាមេរិកគឺ Katy Perry ហើយបច្ចុប្បន្ននាងគឺជាគូដណ្ដឹងរបស់តារាសម្ដែងភាពយន្តរូបសង្ហាដ៏ល្បីមួយរូបគឺលោក Orlando Bloom ។
![](https://s9.kh1.co/dd/dd23ea68a8e21a0d9e4e4078257a8098fc57ed8f.jpg)
អ្នកទាំងអស់គ្នាប្រាកដជាគិតថា បើសិនជាបានជួបជាមួយតារាដ៏ល្បីនៅតាមផ្លូវសាធារណៈ ច្បាស់ណាស់គឺនឹងគិតថាគេនៅក្នុងឡានមានម៉ាស៊ីនត្រជាក់យ៉ាងទំនើប របស់ពួកគេជាមិនខាន។ ប៉ុន្តែវាមិនដូចជាអ្វីដែលអ្នកគិតនោះទេ ពេលខ្លះពួកគាត់ទាំងអស់នោះក៏ចង់ផ្លាស់ប្ដូរបរិយាកាស មួយចំនួនដើម្បីជីវិតមានន័យ និងមានសេចក្ដីសុខខ្លះដែរ។ ជាក់ស្ដែងកាលពីពេលកន្លងទៅថ្មីៗនេះមានគេបានឃើញ តារាចម្រៀងដ៏ល្បីអ្នកនាង Katy Perry និងគូដណ្ដឹងគឺលោក Orlando Bloom នាំគ្នាជិះកង់នៅតាមផ្លូវសាធារណៈធ្វើរំភើយ ដែលមើលទៅអ្នកទាំងពីរគឺស្រស់ស្រាយ និងរីករាយជាមួយនិង ការជិះកង់ដើរកម្សាន្តលំហែរអារម្មណ៍របស់ពួកគេណាស់។
![](https://s9.kh1.co/c0/c0e996aa2dd1255d3239a9f34749e0ab026957b9.jpg)
សម្រាប់លោក Orlando Bloom វិញពីមុនមកលោកចូលចិត្តជិះម៉ូតូធំរបស់លោកខ្លាំងណាស់ ប៉ុន្តែពេលនេះលោកបានធ្វើឱ្យមហាជនជាច្រើន មានការភ្ញាក់ផ្អើលនិងមានការចាប់អារម្មណ៍ដោយការចេះជិះកង់ដើរលេងជាមួយគូស្នេហ៍។ ងាកមកមើលកងដែលលោកជិះដើរលេងនោះវិញគឺរឹតតែអស្ចារ្យ ព្រោះវាជាកង់ម៉ាកល្បីឈ្មោះមួយគឺ S-Works Turbo Levo SL ដែលមានតម្លៃ ១៤,៥០០ ដុល្លារ និងកង់របស់ Katy Perry ជិះតម្លៃ ៣,២៥០ ដុល្លារ ៕
ចង់ដឹងច្បាស់ទៅទស្សនារូបភាពតាំងអស់គ្នា៖
![](https://s9.kh1.co/8b/8b5d78fd06e832412525f5f16a7ed127530c8064.jpg)
![](https://s9.kh1.co/84/84820e1ba16765fb1c44bec87d688c564f2a9238.jpg)
![](https://s9.kh1.co/15/151483fc1b5519263c2979e7b86a07e869fe80c1.jpg)
![](https://s9.kh1.co/76/76d8c8020cd095c1b0f3e4899712ce420a1800d1.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]