ធ្ងន់ធ្ងរ! ឥណ្ឌារកឃើញអ្នកឆ្លងកូវីដ-១៩ ជាង១៥ម៉ឺននាក់ ក្នុងមួយថ្ងៃ

ឥណ្ឌា៖ កាលពីថ្ងៃអាទិត្យ ទី១១ ខែមេសា ឆ្នាំ២០២១ ក្រសួងសុខាភិបាលនៃប្រទេសឥណ្ឌា បានប្រកាសរកឃើញករណីឆ្លងថ្មីជំងឺកូវីដ-១៩ រហូតដល់ទៅ ១៥២,៨៧៩ករណី ដែលជាការផ្ទុះឡើងរលកទី២ ខណៈអ្នកស្លាប់ថ្មីមានចំនួន ៨៣៩នាក់ ក្លាយជាចំនួនស្លាប់ច្រើនបំផុតក្នុងមួយថ្ងៃ បើគិតត្រឹមរយៈពេល៥ខែមកនេះ។

តាមរយៈការកើនឡើងករណីឆ្លងជាបន្ដបន្ទាប់នេះ បានធ្វើឲ្យករណីឆ្លងសរុបនៅក្នុងប្រទេសឥណ្ឌាមានចំនួនជាង​១៣លានករណី និងអ្នកស្លាប់មានចំនួន ១៦៩,២៧៥នាក់។  ហើយបច្ចុប្បន្ននេះ ឥណ្ឌាបានក្លាយជាប្រទេសមានករណីឆ្លងច្រើនបំផុតលំដា​ប់ទី៣ តាមពីក្រោយប្រទេសប្រេស៊ីល និងសហរដ្ឋអាមេរិកដែលជាប្រទេសមានករណីឆ្លងច្រើនបំផុតនៅលើពិភពលោក៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រភព៖: reuters