តិចនិកពង្រឹងប្រព័ន្ធភាពស៊ាំ ការពារវីរុសវាយលុករាងកាយ ស័ក្តិសមសម្រាប់ពេលនេះ!

ឥឡូវនេះជាពេលមួយសំខាន់បំផុត ដែលយើងត្រូវរក្សាប្រព័ន្ធការពាររាងកាយឲ្យមានសុខភាពល្អ និងរឹងមាំ ដើម្បីទប់ទល់នឹងវីរុស ឬមេរោគមួយចំនួនចូលទៅវាយលុកក្នុងរាងកាយ ដូចជាវីរុសកូវីដ-១៩ ជាដើម។ ប៉ុន្មានចំណុចខាងក្រោមនេះ ជាតិចនិកពង្រឹងប្រព័ន្ធភាពស៊ាំរាងកាយ ចៀសវាងងាយឆ្លងមេរោគ រាលដាលចូលផ្នែកផ្សេងៗក្នុងរាងកាយ។

១. ញ៉ាំអាហារចម្រុះមុខ និងមានតុល្យភាព

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការញ៉ាំអាហារមានតុល្យភាព រួមជាមួយបន្លែផ្លែឈើ គ្រាប់ធញ្ញជាតិ ប្រូតេអ៊ីនពីបន្លែសាច់ និងជាតិខ្លាញ់ល្អៗ ជាសារធាតុចិញ្ចឹមល្អសម្រាប់យើង ដើម្បីពង្រឹងភាពស៊ាំឲ្យមានសុខភាពរឹងមាំ និងដំណើរការបានល្អ។ មួយវិញទៀត ដោយសារពេលនេះ គ្នាយើងមួយចំនួនមានទម្លាប់ញ៉ាំច្រើនពេលនៅផ្ទះ ដែលជាទម្លាប់មិនល្អដល់យើង ដូចនេះគួរផ្លាស់ប្ដូរទម្លាប់ញ៉ាំឲ្យមានរបៀបត្រឹមត្រូវដូចជា៖

អង្គុយញ៉ាំអាហារមួយកន្លែង កុំញ៉ាំបណ្ដើរ ដើរបណ្ដើរ ឬធ្វើកិច្ចការអ្វីផ្សេងបណ្ដើរ
យករបស់ដែលធ្វើឲ្យយើងបែកអារម្មណ៍ពេលញ៉ាំចេញដូចជា ទូរស័ព្ទ ទូរទស្សន៍ ឬកុំព្យូទ័រ
ទំពាអាហារឲ្យបានម៉ដ្តល្អ
កុំព្យាយាមញ៉ាំម្ដងឲ្យអស់ បើឆ្អែត ទុកអាហារមួយឡែកឲ្យត្រឹមត្រូវសឹមញ៉ាំតាមក្រោយទៀត

២. រក្សាជាតិទឹក

ការរក្សាជាតិទឹកក្នុងខ្លួនសំខាន់ណាស់សម្រាប់សុខភាពទូទៅ។ បរិមាណទឹកដែលយើងត្រូវការក្នុងមួយថ្ងៃអាស្រ័យទៅតាមវ័យ ភេទ ទម្ងន់ កម្ពស់ សកម្មភាពរាងកាយ និងកត្តាបរិស្ថានជុំវិញខ្លួនយើង។ ការផឹកទឹកមិនគ្រប់គ្រាន់អាចប៉ះពាល់ការបំពេញការងារ ទោះបីជាយើងបាត់បង់ជាតិទឹកត្រឹម ២% ក៏ដោយ។ នេះអាចមកពីអាការៈអស់កម្លាំង បាត់បង់ការគ្រប់គ្រងសីតុណ្ហភាពក្នុងរាងកាយ លែងចង់ធ្វើកិច្ចការផ្សេងៗ និងអាចប៉ះពាល់ដល់ការហាត់ប្រាណដែរ។

៣. អនុវត្តអនាម័យអាហារ

បើយើងកាន់ ឬធ្វើម្ហូបអាហារមានអនាម័យខ្ពស់នោះ ហានីភ័យនៃការឆ្លងជំងឺផ្សេងៗមានតិច អាចទប់ទល់បាក់តេរីមិនល្អ ចូលក្នុងរាងកាយយើងបានដោយ៖

លាងសម្អាតដៃជាមួយសាប៊ូ និងទឹកស្អាត ឲ្យបាន២០វិនាទី ទាំងមុន និងក្រោយពេលរៀបចំអាហារ
ខ្ទប់មាត់ ច្រមុះពេលក្អក កណ្ដាស់ ជាមួយក្រដាស និងកែងដៃ រួចលាងដៃឲ្យស្អាត
លាងសម្អាតបន្លែ សាច់ ផ្លែឈើមុនញ៉ាំ
សម្លាប់មេរោគលើតុ ឬឧបករណ៍ប្រើប្រាស់មុន និងក្រោយពេលប្រើ
រក្សាសាច់ឆ្អិន និងសាច់ឆៅនៅកន្លែងផ្សេងគ្នា ដើម្បីចៀសវាងការឆ្លងមេរោគ។ល។

៤. ហាត់ប្រាណ (ទោះនៅផ្ទះក្ដី)

ភាពសកម្មភរបស់រាងកាយមានប្រយោជន៍ទាំងរាងកាយ និងផ្លូវចិត្ត។ មនុស្សពេញវ័យដែលមានសុខភាពធម្មតា គួរហាត់ប្រាណឲ្យបានយ៉ាងតិច៣០នាទី/ថ្ងៃ និងយ៉ាងតិច ១ម៉ោង/ថ្ងៃសម្រាប់ក្មេងៗ អាយុចាប់ពី ៥-១៧ឆ្នាំឡើង។

៥. គេងឲ្យបានគ្រប់គ្រាន់

តាមពិតទៅ នៅពេលយើងគេងលក់ រាងកាយរបស់យើងធ្វើការរឹតតែខ្លាំងក្នុងការជួយសាច់ដុំដែលធ្វើការច្រើននៅពេលថ្ងៃ និងកម្ចាត់អ្វីមិនល្អដែលខួរក្បាលបានបង្កើត។ ការគេងក៏ជួយដល់ការសម្រួលអារម្មណ៍ផងដែរ។ ប្រសិនជាយើងគេងមិនគ្រប់គ្រាន់ត្រឹមតែមួយយប់អាចធ្វើឲ្យយើងប្រតិកម្មទៅនឹងអារម្មណ៍អវិជ្ជមានរហូតដល់ ៦០%។ បន្ថែមពីនេះទៀត ការគេងមិនគ្រប់គ្រាន់ក៏អាចធ្វើឲ្យរាងកាយពិបាកក្នុងការសម្រួលដល់ចំណង់អាហារ ប្រព័ន្ធភាពស៊ាំ មុខងារក្នុងការរំលាយអាហារ និងការគ្រប់គ្រងទម្ងន់។

៦. តាមដានព័ត៌មានពីប្រភពគួរទុកចិត្ត

មានព័ត៌មានមិនត្រឹមត្រូវជាច្រើនជុំវិញជំងឺកូវីដ-១៩ នៅលើអ៊ីនធឺណិត និងប្រព័ន្ធផ្សព្វផ្សាយសង្គម។ វាសំខាន់ណាស់ដែលយើងទទួលបានព័ត៌មានពីប្រភពដែលអាចទុកចិត្តបាន ដូចជាគេហទំព័ររដ្ឋាភិបាល ឬគេហទំព័ររបស់អង្គការជាតិ ឬអន្តរជាតិដែលគួរអោយទុកចិត្ត (អង្គការសុខភាពពិភពលោក Unicef ឬក្រសួងសុខាភិបាល។ល។)

វាសំខាន់ណាស់ក្នុងការដឹងដំណឹងអំពីការអនុវត្តល្អ ៗ ដើម្បីរក្សាសុវត្ថិភាពក្នុងពេលនេះ។ ទោះយ៉ាងណា ក៏ដោយយើងគួរតែព្យាយាមកាត់បន្ថយមើលព័ត៌មានដែលធ្វើឱ្យយើងថប់បារម្ភ និងធ្វើឱ្យប៉ះពាល់ដល់សុខភាពផ្លូវចិត្តរបស់យើង។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

តិចនិកពង្រឹងប្រព័ន្ធភាពស៊ាំ ការពារវីរុសវាយលុករាងកាយ ស័ក្តិសមសម្រាប់ពេលនេះ!

១. ញ៉ាំ​អាហារ​ចម្រុះ​មុខ និង​មាន​តុល្យភាព

២. រក្សា​ជាតិ​ទឹក

៣. អនុវត្ត​អនាម័យ​អាហារ

៤. ហាត់​ប្រាណ (ទោះ​នៅ​ផ្ទះ​ក្ដី)

៥. គេង​ឲ្យ​បាន​គ្រប់​គ្រាន់

៦. តាម​ដាន​ព័ត៌មាន​ពី​ប្រភព​គួរ​ទុក​ចិត្ត

In Case You Missed It