សកម្មភាព ឯកឧត្តម ឃួង ស្រេង ចុះពិនិត្យមើលដំណើរការចរាចរណ៍ក្នុង ភ្នំពេញ និងព្រមានលែងយោគយល់

រាជធានីភ្នំពេញ៖​ យោងតាមការឱ្យដឹងពី ផេកហ្វេសប៊ុកផ្លូវការរបស់ទូរទស្សន៍កម្ពុជា បានឱ្យដឹងថា​ ឯកឧត្តម ឃួង ស្រេង អភិបាលរាជធានីភ្នំពេញ នៅព្រឹកថ្ងៃទី១៧ ខែមេសា ឆ្នាំ២០២១នេះ បានចុះពិនិត្យ និង បញ្ជាផ្ទាល់ដល់ទីតាំងបិទខ្ទប់ នៅស្ពានអាកាសក្បាលថ្នល់ ស្របពេលដែលទីតាំងខាងលើនេះ មានការកកស្ទះចរាចរណ៍ដោយប្រជាពលរដ្ឋបានធ្វើដំណើរ ដែលជាហានិភ័យនៃការឆ្លងរីករាលដាលនៃជំងឺកូវីដ១៩។

ក្នុងនោះដែរ ឯកឧត្តម បញ្ជាក់ថា បងប្អូនប្រជាពលរដ្ឋទាំងអស់ បើនៅតែបន្តធ្វើដំណើរនៅក្នុងរាជធានីភ្នំពេញ ខណៈដែលអាជ្ញាធរ កំពុងតែរិតបន្តឹងសេចក្តីសម្រេចបិទរាជធានីភ្នំពេញនេះ អាជ្ញាធររាជធានីភ្នំពេញនឹងអនុវត្តវិធានការច្បាប់ ដោយមិនមានការយោគយល់ឡើយ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស