អ្នកដែលបានមកទីតាំង ក្រសួងវប្បធម៌ និងវិចិត្រសិល្បៈ ប្រសិនជាមានរោគសញ្ញាសង្ស័យ សូមស្វែងរកការធ្វើតេស្តរកមេរោគកូវីដ១៩ ជាបន្ទាន់

ភ្នំពេញ៖ កាលពីពេលថ្មីៗនេះ អាជ្ញាធរបានអំពាវនាវដល់ប្រជាពលរដ្ឋទាំងអស់គ្នា ដែលបានទៅកាន់ ក្រសួងវប្បធម៌និងវិចិត្រ​សិល្បៈ ដែលមានទីតាំងស្ថិតនៅ ផ្លូវនរោត្តម សង្កាត់ទន្លេបាសាក់ ខណ្ឌ ចំការមន នៅថ្ងៃទី៥ ខែមេសា ឆ្នាំ២០២១នេះ។

ដោយឡែក ការប្រកាសនេះគឺបានធ្វើឡើយក្រោយពី អ្នកជំងឺកូវីដ១៩ម្នាក់បាន ទៅចាក់វ៉ាក់សាំង នៅទីតាំងខាងលើនេះ ដូច្នេះប្រសិនជាបងប្អូនមានរោគសញ្ញាដូចជា គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វេីតេស្តរកមេរោគដែលមានទីតាំងនៅ៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. វិទ្យាល័យ​បាក់ទូក​
២. វិទ្យាល័យ​បឹង​ត្របែក​
៣. មណ្ឌលសុខភាពចាក់អង្រែក្រោម​
៤. មន្ទីរ​ពេទ្យខ្មែរ សូវៀត​
៥. សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន)
៦. វិហារព្រះយ៉េស៊ូ ច្រមុះជ្រូកស្ទឹងមានជ័យ
៧. ផ្លូវ ឌួងងៀប ជិតរោងចក្រ ឌីនហាន
៨. ដីឡូត៍ ខាងក្រោយផ្សារឯករាជ្យ៣
៩. មណ្ឌលថែទាំជីវិត (ទីតាំងចាក់សំរាមចាស់ ស្ទឹងមានជ័យ)

យ៉ាងណាមិញ សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនេះ៕

សូមចូលទស្សនារូបភាពខាងក្រោមៈ