អាជ្ញាធរខេត្តព្រះសីហនុ បានណែនាំផ្ទាល់ដល់អាជីវករនៅផ្សារពាណិជ្ជកម្ម សូមកុំតម្លើងថ្លៃទំនិញនៅក្នុងពេលជំងឺកូវីដ១៩កំពុងតែផ្ទុះខ្លាំង (មានវីដេអូ)

ខេត្តព្រះសីហនុ៖ កាលពីពេលថ្មីៗនេះ អាជ្ញាធរក្រុងព្រះសីហនុ បានចុះធ្វើការណែនាំអាជីវករ កុំឲ្យមានការតម្លើងថ្លៃទំនិញលក់ដូរ នៅក្នុងពេលស្ថានភាពជំងឺកូវីដ១៩ក្នុងប្រទេសកម្ពុជាទាំងមូល កំពុងតែមានការឆ្លងរីករាលដាលយ៉ាងខ្លាំង។

ដោយឡែក រសៀលថ្ងៃអាទិត្យ ៧កើត ខែពិសាខ ឆ្នាំឆ្លូវ ទោស័ក ព.ស ២៥៦៤ ត្រូវនឹងថ្ងៃទី១៨ ខែមេសា ឆ្នាំ២០២១ រដ្ឋបាលក្រុងព្រះសីហនុ និងក្រុមប្រឹក្សាសង្កាត់លេខ២ បានចុះបិទស្លាកផ្អាកជាបណ្តោះអាសន្ននូវការលក់គ្រឿងស្រវឹងគ្រប់ប្រភេទ និងបានណែនាំដល់អាជីវករនៅផ្សារពាណិជ្ជកម្ម ដែលលក់ដូរម្ហូបអាហារ អង្ករ ត្រី សាច់ និងសម្ភារប្រើប្រាស់ផ្សេងៗ សូមកុំតម្លើងថ្លៃទំនិញ ក្នុងកំឡុងពេលនៃការឆ្លងរីករាលដាលជំងឺកូវីដ១៩ ក្នុងសហគមន៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ​សូមអាជីករលក់ដូរ ទូទាំងប្រទេសមេត្តាកុំតម្លើងថ្លៃ អីវ៉ាន់ ក្នុងពេលដ៏សំខាន់នេះអី ដោយសារពេលនេះសេដ្ឋកិច្ចកំពុងរងការប៉ះពាល់ខ្លាំងពីជំងឺកូវីដ១៩ ធ្វើឲ្យប្រជាជនមួយចំនួនធំបាត់បង់ចំណូលយ៉ាងច្រើន ដូច្នេះទំនិញប្រើប្រាស់ផ្សេងៗគួរតែលក់ដូរក្នុងតម្លៃសមរម្យ កុំតម្លើងថ្លៃ៕

សូមចូលទស្សនារូបភាព និងវីដេអូខាងក្រោម៖