បន្ទាន់! អាជ្ញាធរស្រុកបាភ្នំ កំពុងតាមរកបុរសម្នាក់ ដែលរត់គេចខ្លួនពីមណ្ឌលចត្តាឡីស័កវិទ្យាល័យបឹងព្រះ ស្រុកបាភ្នំ

ព្រៃវែង៖ កាលពីពេលថ្មីៗនេះ អាជ្ញាធរស្រុកបាភ្នំ ខេត្តព្រៃវែង កំពុងតែតាមស្វែងរកបុរសម្នាក់ ដែលបានរត់គេចខ្លួនពីមណ្ឌលចត្តាឡីស័កវិទ្យាល័យបឹងព្រះ ស្រុកបាភ្នំ បាត់សូន្យឈឹង។

ដោយឡែក ដំបូងឡើង អាជ្ញាធរស្រុកបាភ្នំ ខេត្តព្រៃវែង បានឃាត់ខ្លួន បុរសម្នាក់ ឈ្មោះ ណាំ វណ្ណ: អាយុ ៣៦ ឆ្នាំ (អ្នកដែលបានធ្វើដំណើរមកពីរាជធានីភ្នំពេញ) ហើយបន្ទាប់មកបុរសរូបនេះ បានរត់គេចខ្លួនពីមណ្ឌលចត្តាឡីស័កវិទ្យាល័យ បឹងព្រះ ស្រុកបាភ្នំ។ ខណៈពេលនេះ សមត្ថកិច្ច ​បានកសាងសំណុំរឿង ដើម្បីអនុវត្តច្បាប់ចំពោះបុគ្គលរូបនេះផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ អាជ្ញាធរស្រុក សូមអំពាវនាវបងប្អូនប្រជាពលរដ្ឋ ឬសាធារណជន ឬសមត្ថកិច្ចតាមគោលដៅនានាបានឃើញ សូមមេត្តាផ្តល់ព័ត៌មានមករដ្ឋបាលស្រុក តាមរយៈលេខទូរស័ព្ទ ០៩៦ ៧៥០ ៦០១១ និង ០១៦ ៧១២ ៣៧៦។

សូមចូលទស្សនារូបភាពខាងក្រោម៖