យល់ដឹង ៖ ដោយសារតែ ការរីករាលនៃជំងឺកូវីដ១៩ មានស្ថានភាព កាន់តែគួរឲ្យបារម្ភបែបនេះហើយ ទើប ការងារភាគច្រើន ត្រូវបានអនុញ្ញាតឲ្យធ្វើពីផ្ទះ មិនចាំបាច់ទៅកាន់កន្លែងធ្វើការ មួយវិញទៀត ការស្នាក់នៅផ្ទះ បើគ្មានការចាំបាច់ ចេញក្រៅនេះ ក៏ជា កិច្ចការដែល កំពុងតែទទួលការអនុវត្ត យ៉ាងយកចិត្តទុកដាក់មួយ ផងដែរ។ ពិតណាស់ សកម្មភាពទាំងនេះ អាចចូលរួមចំណែក យ៉ាងសកម្ម ក្នុងការទប់ស្កាត់ ការរីករាលដាលឆ្លងនៃ ជំងឺកូវីដ១៩ ម្យ៉ាងវិញទៀត ទាំងនេះ សុទ្ធតែផ្តល់ភាព ងាយស្រួលដល់ ក្រុមការងារជំនាញ ក្នុងការទប់ទល់ទាន់ពេលវេលា។
តែផ្ទុយទៅវិញ ដូចដែរដឹងស្រាប់ហើយថា ប្រសិនបើអ្នកនៅតែផ្ទះ អ្នកនឹងកើតទម្លាប់ហូប មិនចេះឈប់ ព្រោះ នៅផ្ទះពេលណាក៏មានម្ហូបត្រូវហូបជាប់គ្នា មិនដាច់ ដែលនេះ ខុសស្រលះពី ការត្រូវទៅធ្វើការ នៅទីកន្លែងផ្សេងមិនមែនជាផ្ទះ ។ យ៉ាងណាក្តី អស់បារម្ភទៅ ខាងក្រោមនេះ នឹងប្រាប់ពី វិធីសាស្រ្តងាយៗ ក្នុងការរក្សាទម្ងន់របស់បងប្អូន មិនឲ្យកើនជាដាច់ខាត បើទោះបីនៅតែផ្ទះក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![](https://s9.kh1.co/f6/f689a7d52f501c0722613c72fff2eb744a11c7e0.jpg)
១. កុំបង្អត់អាហារជ្រុលពេក
ការបង្អត់អាហារ មិនមែនជា វិធីសាស្ត្រដ៏ល្អ ក្នុងការ រក្សាទម្ងន់របស់អ្នកឡើយ ទន្ទឹមនឹងនេះ វាអាចនឹងផ្តល់ផលប៉ះពាល់ ទៅកាន់ផ្នែកនានា ក្នុងរាងកាយរបស់អ្នក ប្រាកដណាស់ ដូចជា ការអនុញ្ញាតឲ្យខ្លួន អាចហូបនូវ អាហារ ឫបង្អែមដែល ខ្លួនចូលចិត្ត ប៉ុន្តែ ត្រូវក្នុងទំហំមួយសមរម្យ មិនច្រើនពេកទេ ជាក់ស្តែង ដូចជា ការកាត់បន្ថយ ការទទួលទានស្រាក្រហម ពីមួយថ្ងៃ ២ឫ ៣កែវ មកនៅត្រឹម ១កែវ ឫអាចពី ការហូបនំ ឃុកឃី ជារៀងរាល់ថ្ងៃ មកត្រឹមតិចតួច ក្នុងមួយសប្តាហ៍ ជាដើម។
២.រៀបចំ កាលវិភាគ
នេះជាឧទាហរណ៍មួយ សម្រាប់អាហារពេលព្រឹក អាចជា ផ្លែឈើ ស៊ុត ឫសាឡាដ ពេលរសៀល អាចបំពេញ ការងារអនឡាញរបស់អ្នក បន្ទាប់មកអាច ហូបនូវអាហារសម្រន់ ជំនួយសុខភាពអ្នក ហើយពេលល្ងាច អ្នកអាចនឹងធ្វើការ ចម្អិនអាហារ មើលទូរទស្សន៍ ជាដើម។ មួយវិញទៀត ផ្លែប៊ីរី ជាប្រភេទផ្លែឈើម៉្យាង ដែលមាន សារធាតុប្រឆាំងអុកស៊ីតកម្មច្រើន (Antioxidants) មានលទ្ធភាពក្នុង ការជំរុញប្រព័ន្ធភាពស៊ាំរបស់អ្នកបានល្អ។
៣. ជម្រើសអាហារសម្រន់
ប្រាកដណាស់ មនុស្សភាគច្រើន តែងត្រូវការ អាហារសម្រន់បន្ថែម ចន្លោះអាហារពេលរបស់ខ្លួន ដែលនោះ គឺមានជម្រើសជាច្រើន អាចមានជា ការ៉ុតចំណិតៗ ផ្លែប៉ោម អាលម៉ុងលីង នំសូកូឡា បង្អែម ជាដើម តែប្រសិនបើ ចង់ឲ្យកាន់តែ មានប្រសិទ្ធភាពនោះ អ្នកគួររើសយក ក្រុមអាហារដែល ជំនួយសុខភាពរបស់អ្នក ឲ្យកាន់តែល្អ។
![](https://s9.kh1.co/6c/6cb4ee4ac9ac697bbfae380e599f2d114f98313d.jpg)
៤.បែកចែកអាហារ
ខណៈពេលនៅផ្ទះ វាពិតជា ផ្តល់ភាពងាយស្រួលខ្លាំងណាស់ ដូចជា ការហូបនំមួយកញ្ចប់ធំ តែមួយពព្រិចភ្នែក ជាដើម ហេតុដូចនេះ ដើម្បីកុំឲ្យខ្លួនអ្នក មានភាពងាយស្រួលក្នុង ការហូបអាហារទាំងនោះ ឲ្យបានច្រើន អ្នកត្រូវតែ ធ្វើការបែកចែក អាហារនោះឲ្យរួចរាល់ មុននឹង យកវាទៅហូប ឧទាហរណ៍ ការហូបនំ ត្រូវបំបែកវា ដាក់ទៅក្នុងចានតូច ជាមុន មុនយកទៅហូប។
៥.ហាត់ប្រាណឲ្យបានទៀតទាត់
លំហាត់ប្រាណសមរម្យមួយ អាចបញ្ចេញអរម៉ូន អង់ដូភីន(endorphins) ដែល វាជួយឲ្យអ្នក អាចកាត់បន្ថយភាព តានតឹង បង្កើនអារម្មណ៍ស្រស់ស្រាយ ផងដែរ។ ការដើរតិចៗនៅក្រៅផ្ទះ រយៈពេល ២០ ទៅ ៣០ នាទី ស្រូបយកខ្យល់អាកាសបរិសុទ្ធ អាចធ្វើឲ្យ ភាពស្មុគស្មាញរបស់អ្នក បានធូរស្បើយ តែការធ្វើលំហាត់ប្រាណ នៅផ្ទះក៏មាន ប្រសិទ្ធភាពផងដែរ ដោយអ្នកអាច សាកល្បងលំហាត់ប្រាណ កម្តៅសាច់ដុំ ជាច្រើន ក្នុងYoutube.
៦.គេងឲ្យបានគ្រប់គ្រាន់
តាមការស្រាវជ្រាវ បានបញ្ជាក់ថា ការគេងមិនគ្រប់ អាចបណ្តាលឲ្យអ្នកឡើងទម្ងន់ និងដុះពោះ ជាមួយគ្នានេះ ការគេងមិនគ្រប់គ្រាន់នេះ ជាវិធី ដែលបង្កើនកម្រិត ប្រព័ន្ធ endocannabinoid ដែលប៉ះពាល់ ដល់ចំណង់អាហារ និងប្រព័ន្ធខួរក្បាល។
៧.លំហាត់ប្រាណផ្លូវចិត្ត
ការសមាធិ រៀងរាល់ថ្ងៃ អាចជួយផ្តល់ប្រយោជន៍ ជាច្រើនដល់ សុខភាពផ្លូវកាយ និង ផ្លូវចិត្តរបស់អ្នក អាចមានលទ្ធភាព ក្នុងការបង្កើន ការយកចិត្តទុកដាក់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]