អជ្ញាធរខណ្ឌជ្រោយចង្វារឃាត់ខ្លួនម្តាយកូន ២នាក់ជាអាជីវករផ្សារដើមគ និងកសាងសំណុំរឿងបញ្ចូនទៅតុលាការ ព្រោះតែមូលហេតុមួយនេះ

ភ្នំពេញ: យោងតាមសេចក្តីប្រកាសព័ត៌មានរបស់ រដ្ឋបាលខណ្ឌជ្រោយចង្វារ បានឲ្យដឹងថា កាលពីវេលាម៉ោង៨ និង១៥នាទីព្រឹក ថ្ងៃទី១៩ ខែមេសា ឆ្នាំំំ២០២១ កន្លងទៅថ្មីៗនេះ កម្លាំងគណ:បញ្ជាការកងឯកភាពនៃរដ្ឋបាលខណ្ឌជ្រោយចង្វារ ដែលឈរជើងនៅគោលដៅត្រង់ចំណុចរង្វង់មូលព្រហ្មបាយ័ន បានធ្វើការឃាត់ខ្លួនបុគ្គលជាម្តាយនិងកូន២រូប គឺទី១:មានឈ្មោះថា កុប ម៉ារី ភេទស្រីអាយុ៦០ឆ្នាំ ជាអាជីវករនៅផ្សារដើមគរ និងទី២:ឈ្មោះ ម៉ក់ រុំរីសា ភេទស្រី អាយុ១៩ឆ្នាំ ត្រូវជាកូន និងមានមុខរបរជាអាជីវករនៅផ្សារដើមគរដូចគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចំពោះមូលហេតុនៃការឃាត់ខ្លួននេះ គឺបណ្តាលមកពីបុគ្គលទាំងពីរនេះគេចវេស និងរត់ចេញពីការធ្វើចត្តាឡឺស័កនៅផ្ទះដែលនេះ វាខុសផ្ទុយពីវិធានសុខាភិបាល និងសេចក្តីសម្រេចរបស់រាជរដ្ឋាភិបាលនៃព្រះរាជាណាចក្រកម្ពុជាស្តីពីការបិទខ្ទប់នៅភូមិសាស្រ្តរាជធានីភ្នំពេញ និងក្រុងតាខ្មៅ។

យ៉ាងណាមិញនាពេលបច្ចុប្បន្ន អាជ្ញាធរជំនាញនៃរដ្ឋបាលបានរៀបចំឲ្យបុគ្គលទាំងពីរខាងលើនេះ ទៅធ្វើចត្តាឡឺស័កបន្តនៅមណ្ឌលចត្តាឡីស័កព្រែកព្នៅ ហើយរដ្ឋបាលខណ្ឌនឹងកសាងសំណុំរឿងបញ្ចូនទៅកាន់តុលាការដើម្បីបន្តចាត់ការតាមនិតីវិធីច្បាប់៕

• រូបភាព