មិននឹកស្មាន​ឈុតរៀបការ​របស់ Jun Ji Hyun ​កាលរៀបមង្គលការជាប់ជាឈុតថ្លៃបំផុត​ ដែលមានតម្លៃ.....

កូរ៉េខាងត្បូង៖ យោងតាមគេហទំព័រ Chosun.com បានឱ្យដឹងនៅថ្ងៃទី ១៧ ខែមេសានេះថា The Woman Running The Charts របស់ទូរទស្សន៍ KBS បានបោះឆ្នោតជ្រើសរើសអាពាហ៍ពិពាហ៍របស់តារាសម្តែងស្រីលំដាប់ Aបូក Jun Ji Hyun ដែលជាអាពាហ៍ពិពាហ៍មួយដែលថ្លៃបំផុតនៅក្នុងឧស្សាហកម្មកម្សាន្តកូរ៉េ។

យោងតាមប្រភពដដែលបានបន្ថែមថា រ៉ូបអាពាហ៍ពិពាហ៍ដ៏សំខាន់របស់តារាស្រីវ័យ ៣៩ឆ្នាំរូបនេះ មានតម្លៃប្រហែល ៨០ លានវ៉ុន (ប្រហែលជាង ៧ម៉ឺនដុល្លារ) លើសពីនេះ ចិញ្ចៀនរបស់តារាសម្តែងរូបនេះពាក់ពេលថតរូបមង្គលការមានតម្លៃរហូតដល់ ៥០០ លានវ៉ុន (ក្បែរ ៥០ម៉ឺនដុល្លារ) អ្វីដែលកាន់តែពិសេសជាងនេះទៅទៀត មកុដដែលនាងពាក់ក្នុងពិធីមង្គលការផ្លូវការគឺមានតម្លៃកប់ពពករហូតទៅដល់ ១,២ ពាន់លានវ៉ុន (ប្រហែលជាង ១លានដុល្លារ) ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ត្រលប់ទៅកាលពីឆ្នាំ ២០១២ Jun Ji Hyun បានរៀបការជាមួយលោក Choi Jun Hyuk ដែលជាជានាយកប្រតិបត្តិក្រុមហ៊ុន Alpha Asset Management (ជាក្រុមហ៊ុនប្រតិបត្តិការផ្នែកហិរញ្ញវត្ថុ) ដែលក្រុមហ៊ុនមួយនេះ​មានទ្រព្យ ៣៥០ ពាន់លានវ៉ុន។ (ច្រើនជាង ៣រយលានដុល្លារ) ។ លើសពីនេះទៀត ស្វាមីរបស់តារាស្រីរូបនេះ មកពីគ្រួសារកូរ៉េដែលមានទ្រព្យស្តុកស្តម្ភ ដែលអ្នកទាំងពីរទទួលបានចំណងដៃ កូនប្រុស ២​នាក់ផងដែរ៕

សូមទស្សនារូបភាពខាងក្រោម៖

• តារាកូរ៉េ