នៅក្នុងសម័យ កូវីត-១៩ នេះ ម្នាក់ៗពិតជាព្រួយបារម្ភណាស់អំពីសុខសុវត្ថិភាព និងសុខភាពរបស់ខ្លួន ព្រមទាំងក្រុមគ្រួសារ និងមនុស្សជាទីស្រលាញ់ផងដែរ។ ហេតុដូច្នេះហើយការទទួលទានអាហារប្រចាំថ្ងៃ ពិតជាមានសារៈសំខាន់ខ្លាំងណាស់សម្រាប់សុខភាពរាងកាយ ជាពិសេសគឺសុខភាពសួត ដែលត្រូវការពារជានិច្ចដើម្បីទប់ទល់ប្រសិនបើឆ្លងមេរោគកូវីត-១៩។
តោះ! កុំឱ្យខាតពេលយូរមកដឹងទាំងអស់គ្នាថា តើអាហារណាខ្លះដែលងាយស្រួលរក ហើយទទួលទានទៅអាចជំនួយដល់សួតរបស់យើងឱ្យមានសុខភាពល្អ រឹងមាំ ការពារពីមេរោកដ៏កាចសាហាវ៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១) ខ្ទឹម ស៖ អ្នកដឹងទេថា នៅក្នុងខ្ទឹម ស ដែលអ្នកតែងតែប្រើប្រាស់ជាប្រចាំថ្ងៃនៅក្នុងមុខម្ហូមនានាមានសាធាតុ Allicin ដែលមានសារៈសំខាន់ចំពោះរាងកាយយ៉ាងខ្លាំង ដោយវាអាចជួយការពារពីមេរោគផ្តាសាយតូច-ធំ បានយ៉ាងល្អ ជាពិសេសជួយបំពង់ ក មិនឱ្យរលាក បំប៉នសួត ជំនួយផ្លូវដង្ហើម ព្រមទាំងជួយកាត់បន្ថយជំងឺមហារីកបានយ៉ាងល្អទៀតផង។
![](https://s9.kh1.co/a8/a880d1f1dd03dcb93a48e4408e9e3f272263055c.jpg)
២) ការ៉ុត៖ ជាបន្លែពេញនិយម និងងាយស្រួលរកនៅក្នុងទីផ្សារទូទៅ វាសម្បូរទៅដោយសារធាតុមេតាការ៉ូទីន ហើយវានឹងបន្លែងទៅជាវីតាមីន A នៅពេលចូលទៅក្នុងរាងកាយរបស់យើង ដើម្បីជួយការពារពីវីរុសផ្សេងៗ ការឆ្លងរោគ និងជួយឱ្យប្រព័ន្ធដង្ហើមមានដំណើរការល្អផងដែរ។ ប៉ុន្តែនៅក្នុងពេលនេះសូមណែនាំឱ្យលោកអ្នកចម្អិនការ៉ុតឱ្យបានឆ្អិនល្អសិនមុននឹងទទួលទានដើម្បីប្រាកដថាមានសុវត្ថិភាពចំពោះសុខភាព។
![](https://s9.kh1.co/9c/9cffdf3aafc50b843275cb6c3ae2f9ac11520037.jpeg)
៣) ខ្ញី៖ ដូចបានដឹងស្រាប់មកហើយថា ខ្ញីគឺជាឱសថបុរាណដ៏អស្ចារ្យនៅក្នុងការព្យាបាលជំងឺផ្លូវដង្ហើមដូចជា បន្ថយអាការផ្តាសាយ ក្អក កណ្តាស់ បានយ៉ាងមានប្រសិទ្ធភាព។ ហើយនៅក្នុងសម័យកាលកូវីត១៩ នេះ វាអាចជួយបំប៉នសួតឱ្យមានសុខភាពល្អដើម្បីត្រៀមទប់ទល់វីរុសកូវីត-១៩ នេះបានផងដែរ។
![](https://s9.kh1.co/7c/7c2c93d7004cb7d32574d96123f64dce13589dc9.jpg)
៤) ប្រូខូលី៖ តាមការសិក្សាស្រាវជ្រាវបានបង្ហាញថា សារធាតុនៅក្នុងបន្លែបៃតងដូចជាប្រូខូលីនេះនឹងជួយការពារសួតពីការវាយប្រហារពីបណ្តាមេរោគអាក្រក់នានា មិនតែប៉ុណ្ណោះវានឹងជួយបង្កើត និងបង្កើនប្រព័ន្ធការពារសួតឱ្យរឹងមាំការពារពីសារជាតិពិសផ្សេងៗ ព្រមទាំងមានសារធាតុ Quercetin ដែលជួយការពាររោគហឺត រោគចាញ់អាកាសធាតុ មហារីក និងបេះដូងបានយ៉ាងល្អប្រសើរ។
![](https://s9.kh1.co/11/115efaa0c51871dfae8b9cd4a29bea04f252b69f.jpg)
៥) រមៀត ឬម្ស៉ៅរមៀត៖ រមៀតក៏មានសមត្ថភាពជួយបណ្តេញមេរោគផ្តាសាយ និងជំនួយសួតឱ្យមានសុខភាពល្អមិនចាញ់បន្លែផ្លែឈើដទៃដែរ។ មានការសិក្សាមួយបានរកឃើញថា បរសិនបើអ្នកបរិភោគរមៀត ឬម្ស៉ៅរមៀតនៅចន្លោះម៉ោងពី 3:00-5:00 ល្ងាច នោះនឹងជួយបំរុងសួត ជួយកសាង និងការពារស្បែក ថែមទាំងជួយឱ្យដកដង្ហើមបានស្រួល ជាពិសេសអាចជួយស្រ្តីឱ្យចៀសឆ្ងាយពីជំងឺមហារីកមាត់ស្បូនបានយ៉ាងល្អផងដែរ។
![](https://s9.kh1.co/6d/6d4341c999e38d2e27973b629d81f07bf6022f1c.jpg)
៦) ផ្លែប៉ោម៖ សម្បូរទៅដោយវីតាមីន C ជាច្រើនជួយការពាររាងកាយតតាំងជាមួយនឹងមេរោគអាក្រក់ ជួយឱ្យសួតរឹងមាំ សម្រួលផ្លូវដង្ហើម ព្រមទាំងជំនួយស្បែកផងដែរ។
![](https://s9.kh1.co/4f/4fcf300e5aad36d50394bdacef2f036d963609f8.jpg)
៧) ត្រសក់ផ្អែម៖ នៅក្នុងត្រសក់ផ្អែមមានវីតាមីន C និងមេតាការ៉ូទីនខ្ពស់ ជួយការពាររាងកាយព្រមទាំងជំនួយសួតឱ្យមានភាពរឹងមាំការពារពីមេរោគផ្សេងៗដែលប៉ុនប៉ងបំផ្លាញសួត។
![](https://s9.kh1.co/06/063a5b7174993ecda762a7a2eb3ddf0954bbd238.jpg)
៨) ក្រូចលឿង៖ ជួយបំបាត់ផ្តាសាយ មានវីតាមីន C ខ្ពស់ ជួយឱ្យដកដង្ហើមបានស្រួល។ វាត្រូវបានគេប្រើប្រាស់យ៉ាងពេញនិយមនៅក្នុងការពិសារជាមួយនឹងទឹកក្តៅលាយទឹកឃ្មុំ បើទទួលទាននៅពេលព្រឹកជាប្រចាំនឹងជួយលាងពោះវៀនរបស់អ្នកឱ្យបានស្អាតល្អផងដែរ។
![](https://s9.kh1.co/91/910df252d0001c94e5dacacde70d111f4b94de62.jpg)
៩) ពពួកប៊ឺរី៖ ដូចជាស្រ្តរប៊ឺរី ឬប្លូប៊ឺរី សុទ្ធតែសម្បូរទៅដោយវីតាមីនជាច្រើនប្រភេទ ជួយការពារសួត ព្យាបាលរោគសួតបានយ៉ាងល្អប្រសើរ ចៀសឆ្ងាយពីមេរោគសាហាវៗបានយ៉ាងមានប្រសិទ្ធភាព។
![](https://s9.kh1.co/fb/fbcba9a7a5ec3caedc2f69ca194d68342bdf808e.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]