ភស្តុតាងមួយចំនួនបង្ហាញថា ញ៉ាំចេកជួយឲ្យមានអារម្មណ៍ល្អ!

ការងាររវល់ច្រើន ឬស្ថានការណ៍ជុំវិញខ្លួនមិនល្អ អាចធ្វើឲ្យគ្នាយើងមានអារម្មណ៍មិនល្អផងដែរ។ គ្នាយើងដឹងទេថាអាហារមួយចំនួនអាចជួយធ្វើយើងមានអារម្មណ៍ល្អបាន។ ថ្ងៃនេះ Hello គ្រូពេទ្យ លើកយកផ្លែឈើមួយប្រភេទ ងាយរក មានតម្លៃសមរម្យ និងរសជាតិឆ្ងាញ់ ជួយធ្វើឲ្យយើងមានអារម្មណ៍ល្អប្រសើរឡើងវិញបាន។

ផ្លែឈើនោះ គឺផ្លែចេក។ ផ្លែចេកជាអាហារសម្បូរទៅដោយសារធាតុចិញ្ចឹម ហើយអាចជួយធ្វើឲ្យមនុស្សយើងមានអារម្មណ៍ល្អ ដោយសារមានសារធាតុSerotonin។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រាងកាយមនុស្សយើងអាចផលិតសារធាតុ Serotonin បានដែរ តែពេលខ្លះមិនគ្រប់គ្រាន់នោះទេ។ កម្រិតសារធាតុនេះមានទំនាក់ទំនងនឹងបញ្ហាតានតឹងក្នុងចិត្ត ខណៈសារធាតុ Serotonin ក៏ជួយរក្សាលំនឹងផ្នែកអារម្មណ៍របស់មនុស្សយើងផងដែរ។

ផ្លែចេកមានផ្ទុកសារធាតុ Serotonin ប៉ុន្តែសារធាតុ Serotonin នៅក្នុងផ្លែចេកមិនអាចឆ្លងកាត់របាំងឈាមខួរក្បាល បានទេ។ នេះមានន័យថាសារធាធាតុ Serotoninនៅក្នុងផ្លែចេកមិនអាចទៅដល់ខួរក្បាលបានដូចសារធាតុSerotoninដែលរាងកាយផលិតនោះទេ។

ប៉ុន្តែសារធាតុSerotoninនៅក្នុងផ្លែចេកបានដើរតួរសំខាន់ក្នុងការគាំទ្រដល់សារធាតុ Serotoninដែលខួរក្បាលអាចផលិតបាន។ រាងកាយត្រូវការសារធាតុចិញ្ចឹម ដើម្បីបង្កើត និងប្រើប្រាស់Serotoninដោយត្រឹមត្រូវ រួមមានវីតាមីនB6 ផងដែរ។ ផ្លែចេក ក៏ជាប្រភពនៃវីតាមីននេះដែរ។

ក្រៅពីនេះ ផ្លែចេក ក៏មានជាតិសរសៃ ជួយធ្វើឲ្យស្ករបញ្ចេញទៅក្នុងចរន្តឈាមយឺតៗ ជួយរក្សាលំនឹងកម្រិតជាតិស្ករក្នុងឈាម និងគ្រប់គ្រងអារម្មណ៍បានល្អ។ កម្រិតជាតិស្ករក្នុងឈាមទាបធ្វើឲ្យមនុស្សយើងមិនស្រួលខ្លួន និងមានអារម្មណ៍មិននឹងន។

ក្រៅពីនេះ ផ្លែចេកក៏នៅមានផ្ទុកសារធាតុ dopamine ផងដែរ។ សារធាតុ dopamine ជាធាតុគីមីម្យ៉ាងដែលល្អចំពោះរាងកាយមនុស្សយើង។ សារធាតុមួយនេះរួមចំណែកធ្វើឲ្យមនុស្សយើងមានអារម្មណ៍ល្អ។ ដូចនេះហើយនៅពេលដែលយើងបានទទួលសារធាតុ dopamine បន្ថែមយើងនឹងទទួលបានផលប្រយោជន៍ដល់ផ្លូវចិត្ត និងអារម្មណ៍។

ជារួមអាចនិយាយបានថា ផ្លែចេកសម្បូរដោយសារធាតុចិញ្ចឹម ស្ករធម្មជាតិ វីតាមីនB6 និងជាតិសរសៃ ដែលអ្វីទាំងនេះរួមបញ្ចូលគ្នាធ្វើឲ្យកម្រិតជាតិស្ករក្នុងឈាម និងអារម្មណ៍របស់យើងនៅនឹងល្អ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ភស្តុតាងមួយចំនួនបង្ហាញថា ញ៉ាំចេកជួយឲ្យមានអារម្មណ៍ល្អ!

In Case You Missed It