បន្ទាន់! រដ្ឋបាលខណ្ឌបឹងកេងកង ប្រកាសបិទផ្សារអូឡាំពិកជាបណ្តោះអាសន្នរយ:ពេល១៤ថ្ងៃ

ភ្នំពេញ: យោងតាមសេចក្តីជូនដំណឹងលេខ ០៣០/២១ ស.ជ.ណ របស់រដ្ឋបាលខណ្ឌបឹងកេងកង បានធ្វើការជូនដំណឹងដល់សាធារណជន និងប្រជាជនស្តីពីការផ្អាកដំណើរការនៅមូលដ្ឋានផ្សារអូឡាំពិក រយ:ពេល១៤ថ្ងៃ រាប់ចាប់ពីថ្ងៃទី២១ ខែមេសា ឆ្នាំ២០២១ ដល់ថ្ងៃទី៥ ខែឧសភា ឆ្នាំ២០២១ ដោយអាស្រ័យលើមូលហេតុ ផ្អែកលើស្ថានភាពនៃការឆ្លងរាលដាលនៃជំងឺកូវីដ១៩ និងប៉ុន្មានថ្ងៃចុងក្រោយនេះ មានបងប្អូនអាជីវករ និងប្រជាពលរដ្ឋបានឆ្លងជំងឺកូវីដ១៩។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយអាស្រ័យដូចដែលបានជម្រាបជូនខាងលើនេះ សូមអំពាវនាវដល់បងប្អូនអាជីវករ បុគ្គលិកសន្តិសុខ និងប្រជាពលរដ្ឋដែលបានចូលផ្សារខាងលើចាប់ពីថ្ងៃទី៨ ដល់ថ្ងៃទី១៤ខែមេសា ក្នុងករណីមានអាការ:មិនស្រួល និងលេចចេញនូវការកណ្តាស់ ក្អក និងឡើងកម្តៅខុសពីប្រក្រតីសូមមេត្តាទៅធ្វើតេស្តរកមេរោគកូវីដ១៩ជាបន្ទាន់ ក្នុងបរិវេណមហោស្រពចេនឡា៕

ចង់ជ្រាបឲ្យកាន់តែច្បាស់ថែមទៅទៀតនោះ សូមអានសេចក្តី ជូនដំណឹងដែលមានភ្ជាប់ជូននៅផ្នែកខាងក្រោម÷

• រូបភាព