ខេត្តកែប៖ យោងតាមការឱ្យដឹងពីរដ្ឋបាលខេត្តកែប បានឱ្យដឹងថា រដ្ឋបាលបានឃាត់ខ្លួនជនជាតិវៀតណាម ចំនួន ០៧នាក់ (ស្រី ០៥នាក់) ដើម្បីធ្វើចត្តាឡីស័ក និងរងចាំសំណាកវត្ថុវិភាគ រីឯជនជាតិខ្មែរជាអ្នកផ្តល់មធ្យោបាយនាំផ្លូវ ត្រូវបានកសាងសំណុំរឿងបញ្ជូនទៅតុលាការ ដើម្បីចាត់ការទៅតាមច្បាប់បន្ត។
នាល្ងាចថ្ងៃពុធ ទី២១ ខែមេសា ឆ្នាំ២០២១ កម្លាំងចម្រុះប្រចាំគោលដៅត្រួតពិនិត្យច្រកចេញ ចូល ក្នុងភូមិសាស្ត្រខេត្តកែប លើផ្លូវជាតិលេខ៣៣ ត្រង់ចំណុចព្រំប្រទល់ខេត្តកំពត កែប បានឃាត់ខ្លួនជនជាតិវៀតណាមចំនួន០៧ នាក់ (ស្រី៥នាក់) ដែលបានធ្វើដំណើរមកពីខេត្តព្រះសីហនុ និង ជនជាតិខ្មែរម្នាក់ ជាអ្នកនាំផ្លូវ តាមម៉ូតូពីខេត្តកំពតឆ្ពោះទៅខេត្តកែប តាមផ្លូវលំដើម្បីគេចពីប៉ុស្តិ៍ត្រួតពិនិត្យ ក្នុងគោលដៅទៅកាន់ប្រទេសវៀតណាម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![](https://s9.kh1.co/83/832f7f9d03dfeab86ffb37a696f53bb4012deae3.jpg)
![](https://s9.kh1.co/b8/b804f47de75fc0de19b250b5ba774f5afd7175f0.jpg)
បន្ទាប់ពីឃាត់ខ្លួន ជនជាតិវៀតណាមទាំងនោះ ត្រូវបាននាំទៅកាន់ស្នងការដ្ឋាននគរបាលខេត្ត ដើម្បីប្រគល់បន្តឲ្យមន្ទីរសុខាភិបាលខេត្តបញ្ជូនទៅមណ្ឌលចត្តាឡីស័ក និងរងចាំយកសំណាកវត្ថុវិភាគ រីឯជនជាតិខ្មែរជាអ្នកផ្តល់មធ្យោបាយនាំផ្លូវ ត្រូវបានកសាងសំណុំរឿងបញ្ជូនទៅតុលាការដើម្បីចាត់ការបន្ត។
ដោយឡែក ឯកឧត្តមអភិបាលខេត្តកែប បានបន្តក្រេីនរំលឹក និងណែនាំបន្ថែមដល់កងកម្លាំងសមត្ថកិច្ចបន្តការរឹតបន្តឹងឲ្យបានតឹងរឹងបន្ថែមទៀត និងសុំការចូលរួមសហការពីបងប្អូនប្រជាពលរដ្ឋ ដែលនៅតំបន់ក្រហម និងតំបន់បិទខ្ទប់ សូមកុំធ្វើការចល័តចេញ ក្នុងកាលៈទេសៈដ៏លំបាកនេះ ពិសេសកុំយកគំរូតាមករណីខាងលើ ព្រោះការលួចគេច មិនអាចរួចផុតពីកម្លាំងសមត្ថកិច្ចបានទេ ហើយត្រូវប្រឈមនឹងការអនុវត្តវិធានការច្បាប់ និងវិធានការសុខាភិបាលផងដែរ៕
![](https://s9.kh1.co/cb/cb7b679a17f2459f168185cd7aeacc763a9e6adf.jpg)
![](https://s9.kh1.co/dd/ddfaf97950f64a187f131631ffaee9753d64a965.jpg)
![](https://s9.kh1.co/20/2032e540041600bfd47c6aec4b4a832036393e89.jpg)
![](https://s9.kh1.co/bf/bf92ae90107e4921b09c3820cceeb4de21ad4a79.jpg)
![](https://s9.kh1.co/39/39e1e4a605d3630394803db1ad03f24340e4eaa7.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]