មានរឿងអាស្រូវក៏មិនបញ្ហា ខ្សែភាគយន្តរបស់ Seo Ye Ji «Recalled» ជាប់លេខ១លើតារាង

កូរ៉េខាងត្បូង៖ កាលពីថ្ងៃទី ២១ ខែមេសាក្រុមប្រឹក្សាភាពយន្តកូរ៉េបានចេញផ្សាយលេខសម្រាប់ការកក់សំបុត្រកុននៅការិយាល័យក្នុងប្រទេសកូរ៉េ ដែលត្រូវបានគេរាយការណ៍មកថា ខ្សែភាគយន្តដែលសម្តែងដោយ Seo Ye Ji កំពុងតែមានភាពជោគជ័យលើសពីការរំពឹងទុក។

ក្នុងនោះផងដែរ ខ្សែភាគយន្ត «Recalled» បានកាន់កាប់ចំណាត់ថ្នាក់លេខមួយ ជាមួយតួលេខ ៣៤,៤% ដែលនាំមុខខ្សែភាគយន្ត «Seobok» ចូលរួមសម្តែង Gong Yoo និង Park Bo Gum ដែលទទួលបានតួលេខ ៣២%។ វាត្រូវបានគេបង្ហាញឱ្យដឹងបន្ថែមទៀតថាមានសំបុត្រ ៣៣.០១២ត្រូវបានគេទិញទុកមុនក្នុងភាគយន្ត «Recalled»។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ អ្នកជំនាញក្នុងវិស័យកម្សាន្ត កំពុងហៅជ័យជំនះដ៏គួរឱ្យភ្ញាក់ផ្អើលខ្សែភាគយន្តមួយនេះ ជាភាពជោគជ័យនៃទីផ្សារទោះបីមានសម្លេងរំខាន បន្ទាប់ពីមានជម្លោះរឿងអាស្រូវជាច្រើនជុំវិញ របស់តួឯកស្រីសំខាន់គឺ Seo Ye Ji ។

តួយ៉ាង កាលពីពេលថ្មីៗនេះតារាសម្តែងរូបនេះមានភាពចម្រូងចម្រាសខុសៗគ្នាជាច្រើន ដូចជាការសម្លុតធ្វើបាបកាលនៅរៀន មានពាក្យចចាមអារ៉ាមការវះកាត់សម្រស់ និងជាមេក្លោងអតីតសង្សាររបស់នាង ធ្វើចរិតមិនគប្បីទៅលើបុគ្គលិកស្រីដទៃទៀត។

គួរបញ្ជាក់ផងដែរថា Seo Ye Ji ទើបតែចាប់ផ្តើមទទួលបានប្រជាប្រិយភាពហក់ឡើងកូដខ្ពស់ បន្ទាប់ពីបានចូលរួមក្នុងរឿងភាគ «It’s Okay to Not Be Okay» នៅពេលដែលភាពចម្រូងចម្រាសទាំងនេះបានផ្ទុះឡើង៕

សូមទស្សនារូបភាពខាងក្រោម៖

• តារាកូរ៉េ