ជីវិតមិនទៀង! ធ្លាប់ជាតារាម៉ូដែល​ បែរជាគ្មានផ្ទះនៅដើររើសអាហារតាមធុងសំរាម

បរទេស៖ កាលពីថ្ងៃទី ២០ ខែមេសាកាសែត The Sun បានបង្ហោះរូបថតជាច្រើនសន្លឹករបស់តារាម៉ូដែល Loni Willison រស់នៅលើចិញ្ចើមផ្លូវជាមួយនឹងរាងកាយស្គមស្គាំង។ នាងត្រូវបានផ្តល់អាហារដោយអ្នកដំណើរឆ្លងកាត់មុខនាង ខណៈពេលដែលនាងកំពុងជក់បារីនៅតាមដងផ្លូវនៃទីក្រុង Los Angeles ។

ដោយឡែក រស់នៅដោយគ្មានផ្ទះសម្បែង អតីតតារាម៉ូដែលរូបនេះ មានត្រឹមរទេះដាក់របស់របរ និងសម្លៀកបំពាក់របស់នាង ដែលត្រូវបានគេកត់សម្គាល់ឲ្យឃើញថា ជីវិតរបស់នាង បានទទួលជំនួយ នូវអាហារ ភេសជ្ជៈ និងលុយទាំងអស់ពីអ្នកធ្វើដំណើរឆ្លងកាត់កន្លែងនាងរស់នៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមកាសែត The Sun បានឲ្យដឹងថា Loni វាអស់រយៈពេល ២ ឆ្នាំនាងស្ទើរតែបាត់ខ្លួន និងរស់នៅដោយគ្មានផ្ទះសម្បែងអស់រយៈពេល ៤ ឆ្នាំ។ រូបភាពរបស់នាងនៅតាមដងផ្លូវ នៅទីក្រុង LA បន្ទាប់ពីអ្នកយកព័ត៌មានដឹងថានាងបានរកមើលធុងសំរាមដើម្បីរកចំណីនៅតំបន់មួយកន្លែងក្នុងទីក្រុង។

ត្រឡប់ទៅក្នុងឆ្នាំ ២០១២ អតីតតារាបង្ហាញកាយវប្បកម្មនាង Loni Willison បានរៀបការជាមួយតារាសម្តែង Jeremy Jackson ។ អ្នកទាំងពីរបានបែកបាក់គ្នាក្នុងឆ្នាំ ២០១៤ បន្ទាប់ពីនាងបានចោទប្រកាន់ប្តីរបស់នាងពីអំពើហឹង្សាដែលបណ្តាលឱ្យនាងបាក់ឆ្អឹងជំនីរពីរកន្លែងរបួសកនិងស្នាមមុខ។

យ៉ាងណាមិញ បន្ទាប់ពីព្រឹត្តិការណ៍នេះបានកើតឡើង ជីវិតអតីតកីឡាករកាយវប្បកម្មជួបប្រទះ ការធ្លាក់ទឹកចិត្ត ការប្រើប្រាស់គ្រឿងញៀន និងបញ្ហាផ្លូវចិត្ត បន្ទាប់មកបាត់បង់ការងារផ្ទះ និងឡានហើយបញ្ចប់ដោយគ្មានផ្ទះសម្បែងរស់នៅយ៉ាងវេទនាបែបនេះ៕

សូមទស្សនារូបភាពខាងក្រោម៖

• តារាអន្តរជាតិ