រូបមន្តធម្មជាតិ ថែរក្សាស្បែកមុខជាមួយនឹងទឹកដោះគោឆៅ!

ទឹកដោះគោឆៅមានគុណប្រយោជន៍យ៉ាងច្រើនដល់សុខភាពរបស់យើង ពីព្រោះវាសំបូរទៅដោយវីតាមីន ប៉ូតាស្យូម កាល់ស្យូម អាស៊ីដLactic ម៉ាញ៉េស្យូម និងប្រូតេអ៊ីនជាដើម។ លើសពីនេះ វាក៏មានឥទ្ធិពលដ៏អស្ចារ្យចំពោះស្បែករបស់យើងផងដែរ។ ពិតណាស់ ទឹកដោះគោឆៅអាចជួយឲ្យស្បែករបស់យើងក្មេងជាងវ័យ និងភ្លឺរលោង។ បន្ថែមពីនេះ វាក៏ជួយការពារស្បែកពីរ៉ាឌីកាល់សេរី បំបាត់ស្លាកស្នាម ផ្ដល់ជាតិទឹក ពន្យឺតស្នាមជ្រីវជ្រួញ ក៏ដូចជាជំរុញភាពយឺតនៃស្បែកថែមទៀតផង។

១. ហ្វូមលាងមុខទឹកដោះគោឆៅ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យើងរាល់គ្នាប្រើប្រាស់ហ្វូមលាងមុខដើម្បីកម្ចាត់ចោលគ្រឿងសម្អាង កោសិកាស្បែកងាប់ ប្រេង ធូលី និងជាតិពុលផ្សេងៗ។ យ៉ាងណាមិញ ការប្រើប្រាស់ហ្វូមលាងមុខទឹកដោះគោឆៅ គឺជាជម្រើសដ៏ប្រសើរមួយ ដែលគ្នាយើងអាចសាកល្បងបាន។

ចូរលាយទឹកដោះគោឆៅចំនួន២ស្លាបព្រាបាយ និងរមៀតបន្តិច ដើម្បីទទួលបានល្បាយប្រឆាំងនឹងការរលាក ក៏ដូចជាបាក់តេរី ដោយច្របល់ចូលគ្នាឲ្យសព្វល្អ ទើបយកមកជូតលើផ្ទៃមុខ និងក ថ្នមៗដោយប្រើសំឡីជូតមុខ បន្ទាប់មក លាងជម្រះចេញជាមួយនឹងទឹកជាការស្រេច។

២. ម៉ាសទឹកដោះគោឆៅកម្ចាត់ស្នាមផ្សេងៗ

អាស៊ីដLacticនៅក្នុងទឹកដោះគោឆៅ មានប្រសិទ្ធភាពខ្ពស់ក្នុងការជម្រុះកោសិកាដែលងាប់ពីស្បែក និងកម្ចាត់ចោលស្លាកស្នាមផ្សេងៗនៅលើស្បែកផងដែរ។ ការលាយទឹកដោះគោឆៅជាមួយនឹងទឹកប៉េងប៉ោះ នឹងធ្វើឲ្យយើងទទួលបានលទ្ធផលកាន់តែឆាប់រហ័ស។

ចូរលាយទឹកដោះគោឆៅចំនួនពីរបីស្លាបព្រាបាយ ជាមួយនឹងទឹកប៉េងប៉ោះនៅក្នុងបរិមាណដូចគ្នា បន្ទាប់មកលាបនៅលើផ្ទៃមុខឲ្យសព្វល្អ ដោយប្រើជក់លាបមុខ។ ទុកចោលប្រហែល១៥ ទៅ២០នាទី រួចលាងជម្រះចេញជាមួយនឹងទឹកត្រជាក់។ ស្រីៗយើងគប្បីអនុវត្តរូបមន្តនេះយ៉ាងហោចណាស់៣ដងនៅក្នុងមួយសប្ដាហ៍។

៣. ម៉ាសទឹកដោះគោឆៅការពារភាពចាស់

ជាមួយគ្នានេះដែរ ទឹកដោះគោឆៅក៏មានសមត្ថភាពក្នុងការទប់ស្កាត់ស្បែកក្នុងការវិវត្តទៅរកភាពចាស់ និងធ្វើឲ្យស្បែកទន់ម៉ត់រលោង ក៏ដូចជាក្មេងជាងវ័យ។ ម៉ាសប្រភេទនេះ អាចផ្ដល់សំណើមដល់ស្បែករយៈពេលយូរ ព្រមទាំងកាត់បន្ថយស្នាមជ្រីវជ្រួញបានយ៉ាងស័ក្ដិសិទ្ធិ។

ចូរលាយទឹកដោះគោឆៅចំនួន៣ស្លាបព្រាបាយ និងទឹកដោះគោជូរ២ស្លាបព្រាបាយ រួចកូរឲ្យសព្វ ទើបយកមកលាបនៅលើផ្ទៃមុខ និងក ដោយប្រើជក់លាបមុខ។ បន្ទាប់មក ទុកចោលយ៉ាងហោចណាស់២០នាទី មុនពេលលាងជម្រះចេញជាមួយនឹងទឹកត្រជាក់។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

រូបមន្ត​ធម្មជាតិ​ ថែរក្សា​ស្បែក​មុខ​​ជាមួយ​នឹង​ទឹក​ដោះ​គោ​ឆៅ​​​​​​​!

​១. ហ្វូម​លាង​មុខ​ទឹក​ដោះ​គោ​ឆៅ

​២. ម៉ាស​ទឹក​ដោះ​គោ​ឆៅ​កម្ចាត់​​ស្នាម​ផ្សេង​ៗ​​

៣. ម៉ាស​ទឹក​ដោះ​គោ​​ឆៅ​ការពារ​ភាព​ចាស់​

In Case You Missed It

រូបមន្តធម្មជាតិ ថែរក្សាស្បែកមុខជាមួយនឹងទឹកដោះគោឆៅ!

១. ហ្វូមលាងមុខទឹកដោះគោឆៅ

២. ម៉ាសទឹកដោះគោឆៅកម្ចាត់ស្នាមផ្សេងៗ

៣. ម៉ាសទឹកដោះគោឆៅការពារភាពចាស់