ភូមិទាំងពីរនេះ នៅក្នងខេត្តតាកែវ ដែលត្រូវបានអាជ្ញាធរបិទខ្ទប់ ដើម្បីទប់ស្កាត់កូវីដ១៩

ខេត្តតាកែវ៖ យោងតាមសេចក្តីសម្រេចរបស់រដ្ឋបាលខេត្តតាកែវ បានឱ្យដឹងថា មានភូមិចំនួន២ ហើយដែលអាជ្ញាធរ សម្រេចបិទខ្ទប់ ដោយសារតែមានអ្នកវិជ្ជមានកូវីដ១៩ នៅតំបន់ទាំងនោះ និង ដើម្បីទប់ស្កាត់ការរីករាលដាលនៃការឆ្លងជំងឺកូវីដ១៩ ក្នុងនោះដែរ ភូមិទាំង២នោះ រួមមាន៖

១. ភូមិស្នោ ឃុំស្នោ ស្រុកព្រៃកប្បាស ខេត្តតាកែវ ត្រូវបានអាជ្ញាធរបិទខ្ទប់ នៅថ្ងៃទី១៤ ខែមេសា ឆ្នាំ២០២១នេះ ក្នុងគោលបំណងដើម្បីទប់ស្កាត់ការឆ្លងរីករាលនៃជំងឺកូវីដ១៩ ទៅតំបន់ផ្សេងទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

២. ភូមិជ្រោងស្តៅ ឃុំក្រាំងធ្នង់ ស្រុកបាទី ខេត្តតាកែវ ត្រូវបានបិទអាជ្ញាធរបិទ នៅវេលា ម៉ោង៧ព្រឹក ថ្ងៃទី២១ ខែមេសា ឆ្នាំ២០២១នេះ។

ជាមួយគ្នានេះដែរ យោងតាមសេចក្តីសម្រេចរបស់រដ្ឋបាលខេត្តតាកែវ ក្នុងកំឡុងពេលនៃការអនុវត្តវិធានការបិទខ្ទប់ បុគ្គលគ្រប់រូបត្រូវ​ហាម​ឃាត់ការធ្វើដំណើរចេញពីផ្ទះរបស់ខ្លួន លើកលែង​តែក្នុងករណីមានភាពចាំបាច់ ដូចជាការធ្វើដំណើរទៅបំពេញការងារ ឬប្រកបមុខរប និងទៅកន្លែងទិញម្ហូបអាហារ​ ព្រមទាំងទៅកន្លែងមន្ទីរពេទ្យជាដើម៕

ដើម្បីជ្រាបកាន់តែច្បាស់ សូមទស្សនារូបភាពខាងក្រោម៖