ទម្រាំបានមួយរឿងៗ សៀវ ឡុងនី លះបង់ខ្លាំងរហូតរបួសឆ្អឹងក

ចិន៖ នៅថ្ងៃទី ២២ ខែមេសា Sina បានរាយការណ៍ថាតារាសម្តែងស្រី សៀវ ឡុងនី ដែលមានឈ្មោះពិត Liu Yifei បានចែកចាយរូបថតនៃការព្យាបាលរបួសនៅលើទំព័រគណនីផ្ទាល់ខ្លួនរបស់នាង នៅលើបណ្តាញសង្គម​ កំពុងតែទទួលបានការភ្ញាក់ផ្អើលពីសំណាក់មហាជន។

ក្នុងនោះផងដែរ រូបថតប៉ុន្មានសន្លឹក របស់តារាសម្តែងរូបនេះ កំពុងទទួលការចាក់ម្ជុលវិទ្យាសាស្ត្រដោយវេជ្ជបណ្ឌិតចាក់ម្ជុលនៅលើក និងស្មារបស់នាង ដោយគេត្រូវបានឲ្យដឹងថា នាងបានរងរបួស កំពុងតែថតខ្សែភាគយន្តថ្មី ដែលមានឈុតឆាកលោតច្រើន ដោយប្រើខ្សែពួរ ហេតុដូច្នេះបានករបស់នាង​រងការប៉ះទង្គិចជារឿយៗ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ Liu Yifei បានចែករំលែកថានាងមានជំងឺឈឺសរសៃឡើងវិញ និងមានការបន្តទទួលការព្យាបាលដើម្បីអាចត្រឡប់ទៅថតវិញឆាប់ៗ បានធ្វើឲ្យអ្នកគាំទ្រជាច្រើនបានសម្តែងការព្រួយបារម្ភចំពោះសុខភាពរបស់តារាស្រីរូបនេះ នាពេលបច្ចុប្បន្នផងដែរ៕

សូមទស្សនារូបភាពខាងក្រោម៖ 

• តារាចិន