ភរិយាតារាកំប្លែងដ៏ល្បី​​​ ប្រចាំប្រទេសថៃ​ ក៏ឆ្លងជំងឺកូវីដ១៩​ដែរ​ ខណៈលោក ចូលបន្ទប់សង្រ្គោះបន្ទាន់

ថៃ៖ ពុកម៉ែបងប្អូនមួយចំនួនធំ ប្រាកដជាបានស្គាល់ហើយកំពូលតារាកំប្លែងជើងរបស់ប្រទេសថៃ លោក Kom Chauncheun ដែលជាតួអង្គកំប្លុកកំប្លែងមួយរូបនៅក្នុងរឿង អ្នកប្រដាល់មិនដែលឈ្នះ ដែលតារារូបនេះ បានឆ្លងជំងឺកូវីដ១៩ និងកំពុងស្ថិតក្រោមការព្យាបាលយ៉ាងយកចិត្តទុកដាក់ពីសំណាក់ក្រុមគ្រូពេទ្យថៃ។

យោងតាមសារព័ត៍មានបានបញ្ជាក់ឱ្យដឹងទៀតថា តារាកំប្លែងលោក Kom Chauncheun ត្រូវបានបញ្ជូនចូលក្នុងបន្ទប់សង្គ្រោះបន្ទាន់ (ICU) ក្រោយពីវីរុសកូវីដ១៩ បានវាយលុកដល់សួតរបស់លោក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមការបញ្ជាក់ឱ្យដឹងពីកូនស្រីរបស់តារាកំប្លែងជើងចាស់រូបនេះ បានឱ្យដឹងថា ឪពុករបស់នាងមានសភាពហត់ខ្លាំងជាងមុន តែមិនមានអាការៈក្តៅខ្លួនឡើយ។ ជាមួយគ្នានោះដែរ ក្រុមគ្រូពេទ្យ បានប្រើប្រាស់ប្រដាប់ជំនូយអុកស៊ីសែនដើម្បីជួយសម្រួលដល់ការដកដង្ហើមរបស់រូបលោក ដើម្បីឱ្យសម្ពាធឈាមដំណើរល្អ ដោយកំពុងស្ថិតការតាមដានយ៉ាងម៉ត់ចត់ពីគ្រូពេទ្យ។​ គួរបញ្ជាក់ផងដែរថា ភរិយារបស់តារាកំប្លែងរូបនេះ ក៏មានវិជ្ជមានកូវីដ១៩ផងដែរ ក្រោយពីធ្វើតេស្តជាលើកទី២។

ចំពោះដំណឹងនេះ បានធ្វើអ្នករួមអាជីពជាអ្នកសិល្បៈដូចគ្នា និងអ្នកគាំទ្រ បានផ្ញើរសារជូនពររូបលោក​ជាមួយភរិយា យកឈ្នះនិងឆាប់ជាពីវីរុសដ៏កំណាចមួយនេះផងដែរ៕

ដើម្បីជ្រាបកាន់តែច្បាស់ សូមទស្សនារូបភាពខាងក្រោម៖