មុននេះ រដ្ឋបាលរាជធានីភ្នំពេញ សម្រេចបិទផ្សាររដ្ឋ និងផ្សារមិនរៀបរយទាំងអស់ រយៈពេល១៤ថ្ងៃ

ភ្នំពេញ៖ នៅក្នុងផេក រដ្ឋបាលរាជធានីភ្នំពេញ  បានបង្ហោះមុននេះ បានសម្រេចបិទផ្សាររដ្ឋ និងផ្សារមិនរៀបរយទាំងអស់នៅទូទាំងរាធានីភ្នំពេញ រយៈពេល១៤ថ្ងៃ។ 

ក្នុងនោះ រដ្ឋបាលរាជធានីភ្នំពេញ បានអះអាងថា ក្នុងអំឡុងពេល នៃការអនុវត្តវិធានការបិទខ្ទប់របស់រាជរដ្ឋាភិបាលកម្ពុជា រដ្ឋបាលរាជធានីភ្នំពេញ បានតាមដានយ៉ាងយកចិត្តទុកដាក់ ចំពោះស្ថានភាពវិវឌ្ឍ នៃការឆ្លងរីករាលដាលជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ ដោយផ្តោតសំខាន់ចំពោះអាជីវករតាមបណ្តាផ្សារទាំងអស់ ក្នុងរាជធានីភ្នំពេញ ដែលមានការឆ្លងជាបន្តបន្ទាប់ក្នុងអត្រាប្រឈមខ្ពស់ គួរឱ្យព្រួយបារម្ភ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចំពោះផ្សាររដ្ឋ​ និងផ្សារ​មិនរៀបរយទាំងអស់​​ ដែលមានដូចជា ផ្សារក្រមួន​ ផ្សារចាត់តាំង​ ផ្សាររោងចក្រ ផ្សារ​​សហគមន៍​​ ផ្សារដីឡូត៌​​ ផ្សារជំុវិញមន្ទីរពេទ្យ​ និងផ្សារចិញ្ចើមផ្លូវ​ ត្រូវផ្អាកដំណើរការជាបណ្តោះអាសន្ន  រយៈពេល១៤ថ្ងៃ គិតចាប់ពី  ថ្ងៃទី២៤​ខែមេសា​ឆ្នាំ២០២១​ដល់ថ្ងៃទី៧​ ខែ​ឧសភា​ ឆ្នាំ២០២១៕