ជាការពិតណាស់ យើងធ្លាប់ដឹងហើយថា ចិត្តគំនិតមនុស្សទាំងអស់គឺ មានលក្ខណៈខុសប្លែកពីគ្នា ដោយចំណង់ចំណូលចិត្ត រួមទាំងការគិតពិចារណា គឺមិនអាចនឹងដូចគ្នានោះទេ ប៉ុន្តែយ៉ាងណាក្តី ក៏មនុស្សមួយចំនួនក៏មានចិត្តគំនិតស្រដៀងគ្នាខ្លះៗដែរ។
តួរយ៉ាងចំពោះ រូបរាងសម្បកខាងក្រៅនៃមនុស្សទាំងអស់យើងអាចមើលឃើញបានតាមសម្បកខាងក្រៅ ប៉ុន្តែគំនិត និងអារម្មណ៍វិញ គឺមិនអាចដឹងបានឡើយ ដោយសារតែយើងមិនមែនជាគ្រូទាយដែលអាចដឹងសព្វគ្រប់នោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ថ្ងៃនេះខ្មែរឡូតនឹងលើកយកប្រធានបទ វិភាគចិត្តគំនិតមនុស្សតាមរយៈទម្រង់មុខផ្សេងៗគ្នា ជូនប្រិយមិត្តទស្សនាកម្សាន្ត ទោះបីមិនត្រូវទាំងអស់ ក៏មានភាគរយត្រូវច្រើនដែរ ដោយសារពេលខ្លះចិត្តមនុស្សអាចនឹងប្រែប្រួល ១៨០ដឺក្រេ តាមរយៈស្ថានភាព បរិយាកាស និងមជ្ឈដ្ឋាននៅជុំវិញខ្លួនផងដែរ។
Join US: https://t.me/khmerload
តោះមើលទៅតើទម្រង់មុខអ្នកស្ថិតក្នុងលេខរៀងទីប៉ុន្មាន?
១. មនុស្សដែលមានទម្រង់មុខគ្រាប់ពេជ្រ
មនុស្សប្រភេទនេះ ជាមនុស្សប្រភេទដែលអាចដឹកនាំអ្នកដទៃ ពូកែខាងប្រាស្រ័យទាក់ទង មានភាពរឹងមាំ តស៊ូ ប៉ុន្តែពាក្យសម្តីពួកគេវិញ គឺតែងតែដូចជាកាំបិតដ៏មុតស្រួច ចាក់ទម្លុះបេះដូងអញ្ចឹង ប្រសិនជានរណាម្នាក់បានធ្វើខុសចំពោះពួកគេនោះ។
![](https://s9.kh1.co/9d/9dc3cbf5f8d303a7ff5b3843f6818fcd56c8f42c.jpg)
២. មនុស្សដែលទម្រង់មុខពងក្រពើ
មនុស្សដែលមានទម្រង់មុខបែបនេះ គឺមិនសូវចេះប្រកាន់ច្រើននោះទេ ពួកគេមិនសូវចូលចិត្តវាយប្រហារអ្នកដទៃឡើយ ហើយថែមទាំងចូលចិត្តនិយាយពាក្យសរសើរចំណុចល្អទៀតផង ចំណែកសម្តីវិញគឺផ្អែមដូចទឹកឃ្មុំ ដែលនេះធ្វើឲ្យមនុស្សគ្រប់គ្នាចូលចិត្តមនុស្សប្រភេទនេះណាស់ ប៉ុន្តែពេលខ្លះ ពួកគេក្លាយទៅជាមនុស្សនិយាយមិនពិត ដោយសារចំណុចសរសើរមួយចំនួន ដោយសារតែពួកគេចង់ឲ្យមនុស្សដែលនៅក្បែរខ្លួន មានអារម្មណ៍ល្អ។
![](https://s9.kh1.co/ff/ff9aa5263ede69fa984aedcf7115e3868c49337f.jpg)
៣.មនុស្សដែលមានទម្រង់មុខជ្រុង
មនុស្សប្រភេទ គឺជាមនុស្សដែលមានថាមពលខ្លាំង ដោយមានការគិតសព្វជ្រុងជ្រោយ ហ្មត់ចត់ ច្បាស់លាស់ ពួកគេចូលចិត្តការប្រកួតប្រជែង ថែមទាំងមានភាគរយខ្ពស់ ក្នុងការសម្រេចក្តីស្រមៃបានដល់គោលដៅផងដែរ។ ទ្រឹស្តីរបស់ពួកគេគឺភាពជោគជ័យបានមកពីការខិតខំ ព្យាយាមមិនមែន ចាំសំណាងធ្លាក់ពីលើមេឃ។
![](https://s9.kh1.co/96/96ad3c4fa62fd57da276c303c0621507f57f02a3.jpg)
៤.មនុស្សដែលមានទម្រង់មុខបេះដូង
មនុស្សប្រភេទនេះ គឺមិនខុសពីមនុស្សមុខជ្រុងប៉ុន្មានឡើយ ដោយពួកគេគឺជាមនុស្សតឹងរឹង មុឺងម៉ាត់ ឃើញខុសថាខុស ឃើញត្រូវថាត្រូវ ថ្វីត្បិតតែមនុស្សប្រភេទនេះ ខឹងច្រើនមែន ប៉ុន្តែពួកគេតែងតែបញ្ជាក់ពីមូលហេតុ និងមានភស្តុតាងជានិច្ច។
![](https://s9.kh1.co/ce/ce93e17ac68f47186b1a66e739b5863fccc6bd32.jpg)
៥.មនុស្សដែលមានទម្រង់រាងមុខត្រីកោណ
មនុស្សប្រភេទ គឺជាមនុស្សដែលមានទេពកោសល្យសិល្បៈមកពីធម្មជាតិតែម្តង ដែលពួកគេមានគំនិតច្ឆៃប្រឌិតខ្ពស់ ក្រៅពីនេះទៀត ពួកគេជាមនុស្ស លេងសើចច្រើន និងពូកែទ្រាំណាស់ ទោះបីស្ថានភាពធ្លាក់ដល់ចំណុចដល់បាត ក៏នៅតែអាចញញឹម ធ្វើដូចធម្មតាបាន ប៉ុន្តែទោះបីជាយ៉ាងណាក៏ដោយ មនុស្សប្រភេទនេះ អាចនឹងក្លាយជាប្រភេទផ្សេងមួយទៀតផ្ទុយពីនេះ ប្រសិនជាពួកគេខឹងដល់ថ្នាក់ទប់លែងជាប់នោះ។
![](https://s9.kh1.co/e3/e362ad661442f45114e937d10ac8f997bd3f7703.jpg)
៦.មនុស្សដែលមានទម្រង់មុខជ្រុងហើយវែង
មនុស្សប្រភេទនេះ គឺភាគច្រើន គឺចូលចិត្តគិតស្រមើស្រមៃច្រើន ហើយរៀបចំគម្រោងសម្រាប់ជីវិតខ្លួនឯងផងដែរ ប៉ុន្តែកម្រនឹងបញ្ចេញគំនិតខ្លួនឯងណាស់ លុះត្រាតែមនុស្សនៅជិតស្និទ្ធជជីកសួរទើបប្រាប់ ពួកគេមិនមែនជាមនុស្សកំណាញ់ទេ គ្រាន់តែពួកគេមិនសូវទុកចិត្តអ្នកដទៃប៉ុណ្ណោះ។
![](https://s9.kh1.co/f4/f48cb4725d7762f1aa81d08fcc9eb8a454accb3f.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]