រាជធានីភ្នំពេញ ៖ កាលពីយប់ថ្ងៃទី ២៦ មេសា ២០២១ ថ្មីៗនេះ រាជរដ្ឋាភិបាល បានសម្រេចពន្យារ ការបិទខ្ទប់ រាជធានីភ្នំពេញ និងក្រុងតាខ្មៅ នៃខេត្តកណ្តាល រយៈពេល ១សបា្តហ៍បន្តទៀត ទន្ទឹមនឹងនោះ ភូមិសាស្ត្របិទខ្ទប់ ក៏ត្រូវបានបែងចែកជា ៣តំបន់ផងដែរ ក្នុងនោះ មានតំបន់ក្រហម តំបន់លឿងទុំ និងតំបន់លឿង។
គួរបញ្ជាក់ផងដែរថា តំបន់ក្រហម ជាតំបន់ដែលឆ្លងខ្លាំង រីឯតំបន់លឿងទុំ ជាតំបន់ឆ្លងកម្រិតមធ្យម ចំណែក តំបន់លឿង ជាតំបន់ឆ្លងកម្រិតស្រាល លើសពីនេះទៅទៀត ការកំណត់ភូមិសាស្ត្រនិង វិធានការក្នុង តំបន់នីមួយៗ នឹងត្រូវអនុវត្ត ចាប់ពីម៉ោងសូន្យ នាថ្ងៃទី ២៩ មេសា ២០២១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខាងក្រោមនេះ ជារឿងចាំបាច់ ដែលប្រជាពលរដ្ឋ ក្នុងតំបន់ទាំង៣ នេះត្រូវដឹង ជាចាំបាច់ ៖
តំបន់ក្រហម ៖
- ហាមឃាត់ ការធ្វើដំណើរ ពីលំនៅដ្ឋានបច្ចុប្បន្ន បូកថែមទាំង កីឡាក្រៅលំនៅស្ថាន លើកលែងតែករណីចាំបាច់ តាមការណែនាំរបស់ រាជរដ្ឋាភិបាល (ចំណុចទី១ ប្រការ១)
- ករណីបំពានវិធានការហាមឃាត់ នឹងត្រូវដកហូតមធ្យោបាយ ធ្វើដំណើរបណ្តោះអាសន្ន
- អាជីវកម្ម ការងារ ត្រូវផ្អាកបណ្តោះអាសន្ន លើកលែង តែករណីចាំបាច់ តាមការណែនាំ របស់រាជរដ្ឋាភិបាល(ចំនុចទី ២ប្រការ១)
- ហាម ការជួបជុំ ប្រមូលផ្តុំមនុស្ស
តំបន់លឿងទុំ ៖
អនុញ្ញាត
- ការធ្វើដំណើរ បំពេញការងារត្រូវមាន លិខិតអនុញ្ញាតពី (គ.ប.ខ) គណៈកម្មការបិទខ្ទប់ អត្តសញ្ញាណប័ណ្ឌ និងលិខិតបញ្ជាក់ការងារ (ចំណុចទី១ ប្រការ៤)
- អាចធ្វើដំណើរ ចេញចូល តំបន់លឿងបាន
- អាចធ្វើដំណើរ ឆ្លងកាត់ តំបន់ក្រហម លើកលែងតែ ករណីចាំបាច់ តាមការណែនាំរបស់រាជរដ្ឋាភិបាល (ចំណុចទី១ នៃប្រការ៣ និងប្រការ៦)
ហាមឃាត់
- ហាមឃាត់ធ្វើដំណើរ ចេញពីលំនៅដ្ឋានបច្ចុប្បន្ន លើកលែងតែ.. (ចំណុចទី១ ប្រការ៤)
- ហាមឃាត់ អាជីវកម្ម ការងារ ដែលមិនមែន ជាតម្រូវការចាំបាច់ ប្រចាំថ្ងៃ លើកលែង ករណីចាំបាច់ តាមការណែនាំ របស់ រាជរដ្ឋាភិបាល (ចំណុច២ ប្រការ៤)
- ហាម ការជួបជុំ ប្រមូលផ្តុំ លើកលែង ករណីចាំបាច់ តាមការណែនាំ របស់ រាជរដ្ឋាភិបាល(ចំណុច៣ ប្រការ៤)
- បម្រាមគោចរ លើកលែងករណីចាំបាច់ ជាការណែនាំរបស់ រាជរដ្ឋាភិបាល(ចំណុច៤ ប្រការ៤)
តំបន់លឿង
អនុញ្ញាត
- ការធ្វើចរាចរណ៍ ត្រូវបានអនុញ្ញាតិជាធម្មតា(ចំណុច១ ប្រការ៥)
- ការធ្វើដំណើរឆ្លងកាត់ តំបន់លឿងទុំ តំបន់ក្រហម បានលើកលែង តែករណីចាំបាច់ តាមការណែនាំរបស់រាជរដ្ឋាភិបាល (ចំណុច១ នៃប្រការ៣ ចំនុច១ នៃប្រការ៤ និងប្រការ៦)
- អាជីវកម្ម ការងារ គ្រប់ប្រភេទ ត្រូវបានអនុញ្ញាតិ ឲ្យបើកដំណើរការជាធម្មតា លើកលែង អាជីវកម្មមួយចំនួន តាមការណែនាំរបស់ រាជរដ្ឋាភិបាល(ចំនុច២ នៃប្រការ៥)
ហាមឃាត់
- ហាមការជួបជុំ ប្រមូលផ្តុំ (ចំណុច៣ និងទី៤ នៃប្រការ៥)
- បម្រាមគោចរ លើកលែង ករណីចាំបាច់ តាមការណែនាំ របស់ រាជរដ្ឋាភិបាល(ចំណុចទី៥ ប្រការ៥)៕
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
