ក្រពះគេក្រពះយើង! ប្រជាជនតំបន់ក្រហម បានតវ៉ាសុំស្បៀងពីរដ្ឋ ដោយសរសេរពាក្យក្តុកក្តួល ទាំងនេះ លើក្រដាសឡាំង

រាជធានីភ្នំពេញ ៖ ពិតណាស់ កាលពីវេលាម៉ោង៧យប់ នៅថ្ងៃទី​២៩ មេសា ២០២១នេះ ប្រជាជននៅក្នុងតំបន់ក្រហមមួយកន្លែង បានបង្កភាពភ្ញាក់ផ្អើល ដោយសារតែ ប្រជាជន ក្នុងភូមិបាន បានប្រមូលគ្នាម្នីម្នា មកចេញតវ៉ាសុំស្បៀងជំនួយ យ៉ាងច្រើនកុះករ ក្រោយរបាំងដែក ជាមួយអាជ្ញាធរ ។

គួរបញ្ជាក់ផងដែរថា ទីតាំងកើតហេតុនេះ គឺនៅមុខវត្តស្ទឹងមានជ័យ នៅភូមិព្នៀត សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ដែលប្រជាជន ក្នុងភូមិនេះ បានសរសេររៀបរាប់ យ៉ាងក្តុកក្តួលលើ ក្រដាសឡាំង ព្យួរជាប់នឹងរនាំងដែក សមត្ថកិច្ច យ៉ាងដូច្នេះថា ៖ <បិទតាំងពីថ្ងៃទី ១០ មេសា ២០២១>  <ភូមិខ្ញុំដាច់បាយហើយ> <តាំងពីថ្ងៃទី១០ មេសា ២០២១>។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនោះ អាជ្ញាធរបានសម្របសម្រួលប្រជាជនឲ្យត្រលប់ទៅផ្ទះវិញ ហើយធ្វើការចុះឈ្មោះជូនខាងអាជ្ញាធរ ដើម្បីធ្វើការផ្តល់ជំនួយ លុះមកដល់យប់ម៉ោង៨ ថ្ងៃដដែលនោះ ប្រជាជនទាំំងអស់ បានទទួលការឧបត្ថម្ភស្បៀងពីរដ្ឋបាលរាជធានីភ្នំពេញ ភ្លាមៗតែម្តង៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• ទីកន្លែង
• ជីវិត
• រូបភាព